រដ្ឋបាលខេត្តកោះកុង

កម្លាំងមូលដ្ឋានកងរាជអាវុធហត្ថស្រុកស្រែអំបិល សហការជាមួយផ្នែករដ្ឋបាលជលផលស្រុកបូទុមសាគរ ចុះល្បាតចល័តទប់ស្កាត់រាល់បទល្មើសនេសាទខុសច្បាប់ តាមប្រព័ន្ធព្រែកស្រែអំបិល ស្រុកស្រែអំបិល ខេត្តកោះកុង
នៅថ្ងៃទី ០៥ ខែកុម្ភៈ ឆ្នាំ២០២២ វេលាម៉ោង ៩:២៥ នាទីព្រឹក ដល់ម៉ោង ១៩:៣០នាទីយប់ លោកវរសេនីយ៍ត្រី ហន រស្មី មេបញ្ជាការមូលដ្ឋានកងរាជអាវុធហត្ថស្រុកស្រែអំបិល បានចាត់លោកអនុសេនីយ៍ទោ អុិន ហេង ជំនួយការមូលដ្ឋានកងរាជអាវុធហត្ថស្រុក សហការជាមួយកម្លាំងជំនាញជលផល និងសហគមន៍នេសាទសរុប ចំនួន ០៥នាក់ ដឹកនាំដោយលោក ប៉ រ៉ានី នាយរងផ្នែករដ្ឋបាលជលផលស្រុកបូទុមសាគរ ចុះល្បាតចល័តដើម្បីទប់ស្កាត់រាល់បទល្មើសនេសាទខុសច្បាប់ តាមប្រព័ន្ធព្រែកស្រែអំបិល នៅចំណុចព្រែក សាលាម្នាង ស្ទឹងក្អោង ខ្សាច់ឈើទាល និងខ្សាច់ចោត ដែលស្ថិតក្នុងភូមិសាស្ត្រភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង ដែលមានព្រំប្រទល់ជាប់នឹងភូមិវាល ឃុំកំពង់សិលា ស្រុកកំពង់សិលា ខេត្តព្រះសីហនុ ប៉ុន្តែពុំឃើញមានបទល្មើសនេសាទផ្សេងៗ គួរឲ្យកត់សម្គាល់ឡើយ។

ប្រភពៈ វឿន រិទ្ធី