សាខា កក្រក ខេត្តកោះកុង៖ នាព្រឹកថ្ងៃទី ២៨ ខែមករា ឆ្នាំ២០២២ លោក ឈួន យ៉ាដា នាយកប្រតិបត្តសាខាកាកបាទក្រហមកម្ពុជា ខេត្តកោះកុង ដឹកនាំមន្ត្រីសាខាចំនួន ១នាក់ ចូលរួមសិក្ខាសាលាឆ្លុះបញ្ជាំងសកម្មភាពការងារយុវជន អ្នកស្ម័គ្រចិត្ត កាកបាទក្រហមកម្ពុជា និងសុវត្ថិភាពចរាចរណ៍ ឆ្នាំ២០២១ និងលើកទិសដៅបន្តឆ្នាំ២០២២ ក្រោមអធិបតីភាព លោកជំទាវ ពុំ ចន្ទីនីអគ្គលេខាធិការកាកបាទក្រហមកម្ពុជា និងឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ ក្នុងដែលមានការចូលរួមពីសាខាកាកបាទក្រហមកម្ពុជា ២៥រាជធានីខេត្ត សរុបចំនួន ៩៣នាក់។ ពិធីនេះធ្វើលើកនៅសាលប្រជុំសាលាខេត្តព្រះសីហនុ។
សិក្ខាសាលានេះ លើកឡើងពីចំណុចសំខាន់ៗរួមមាន៖
- បង្ហាញ និងឆ្លុះបញ្ជាំងពីសមិទ្ធផល បញ្ហាប្រឈម និងដំណោះស្រាយនៃសកម្មភាពការងារយុវជន អ្នកស្ម័គ្រចិត្ត កាកបាទក្រហមកម្ពុជា និងសុវត្ថិភាពចរាចរណ៍ នៃសាខាកាកបាទក្រហមកម្ពុជា ២៥ រាជធានី ខេត្ត ឆ្នាំ២០២១
- កសាងបណ្តាញសុវត្ថិភាពចរាចរណ៍ និងកសាងភាពធន់របស់សាខាក្នុងការអនុវត្តសកម្មភាពការងារយុវជន និងអ្នកស្ម័គ្រចិត្ត កាកបាទក្រហមកម្ពុជា និងសុវត្ថិភាពចរាចរណ៍ ប្រកបដោយបរិយាបន្ន ដើម្បីបង្ការជីវិតប្រជាពលរដ្ឋពីការស្លាប់ របួស និងពិការ ដោយសារគ្រោះថ្នាក់ចរាចរណ៍
- ទិសដៅការងារអភិវឌ្ឍន៍យុវជន អ្នកស្ម័គ្រចិត្ត កាកបាទក្រហមកម្ពុជា និងសុវត្ថិភាពចរាចរណ៍ ក្នុងផែនការអប្បបរមារបស់សាខា កាកបាទក្រហមកម្ពុជា ២៥ រាជធានីខេត្ត។
- ទិសដៅការងារអភិវឌ្ឍយុវជន និងអ្នកស្ម័គ្រចិត្ត កក្រក ក្នុងបរិបទនៃជំងឺកូវីដ-១៩ ឆ្នាំ២០២២ និង
- ពិភាក្សា និងការតម្រង់ទិសការកសាងផែនអភិវឌ្ឍន៍ ៥ឆ្នាំ (២០២១-២០២៥) ក្នុងដំណាក់កាលទី១ នៃការអនុវត្តយុទ្ធសាស្ដ្រ ២០២១-២០៣០ របស់កាកបាទក្រហមកម្ពុជា។
