ថ្ងៃពុធ ៩រោច ខែបុស្ស ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៦ ខែមករា ឆ្នាំ២០២២
លោក ហួ ងី អនុប្រធានមន្ទីរផែនការខេត្ត បានអញ្ជេីញចូលរួមសិក្ខាសាលាផ្សព្វផ្សាយតាមរយៈ Video Conference ស្ដីពីចលនាប្រឡងប្រណាំងឆ្នេរខ្សាច់កម្សាន្តស្អាតលើកទី៣ ឆ្នាំ២០២២ ក្រោមអធិបតីភាព ឯកឧត្តម នី ផល្លី អនុរដ្ឋលេខាធិការក្រសួងទេសចរណ៍ និងជា អគ្គលេខាធិការរង គណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា។
សិក្ខាសាលានេះ មានគោលបំណង ដើម្បីជម្រុញដល់អាជ្ញាធរក្រុង ស្រុក ត្រៀមលក្ខណៈគ្រប់គ្រាន់ ដើម្បីចូលរួមប្រកួតប្រជែងឆ្នេរខ្សាច់ស្អាតនៅក្នុងមូលដ្ឋានរបស់ខ្លួន និងដើម្បីបង្ហាញពីលក្ខណៈវិនិច្ឆ័យ នៃការផ្តល់ពិន្ទុ សម្រាប់ជ្រើសរើសឆ្នេរខ្សាច់ស្អាត។
សមាសភាពចូលរួមក្នុងអង្គសិក្ខាសាលា មានមន្ទីរ អង្គភាពដែលពាក់ព័ន្ធ រដ្ឋបាលក្រុង ស្រុកទាំង៧ កងកំលាំងប្រដាប់អាវុធទាំង៣ប្រភេទ និងទីចាត់ការចំណុះឱ្យរដ្ឋបាលខេត្ត សរុបចំនួន ៣៤នាក់។
