ខេត្តកោះកុង៖ លោក សុខ សុទ្ធី អភិបាលរងខេត្ត និងជាតំណាងដ៏ខ្ពង់ខ្ពស់លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សា និងពិនិត្យសំណើសុំចុះបញ្ជីដីរបស់ប្រជាពលរដ្ឋចំនួន ២ ទីតាំង ស្ថិតនៅក្នុងភូមិយាយសែន និងភូមិព្រែកខ្សាច់ ឃុំព្រែកខ្សាច់ ស្រុកគីរីសាគរ ខេត្តកោះកុង ដោយមានការចូលរួមពីសំណាក់តំណាង ទីចាត់ការអន្តរវិស័យ មន្ទីររៀបចំ ដែនដី នគរូបនីយកម្ម និងសំណង់ មន្ទីរបរិស្ថាន តំណាងរដ្ឋបាលស្រុកគិរីសាគរ ការិយាល័យរៀបចំដែនដី នគរូបនីយកម្ម សំណង់ និងភូមិបាល  និងតំណាងប្រជាពលរដ្ឋ ទាំង ២ គ្រួសារ ។
ទីតាំងស្នើសុំនេះមានដូចខាងក្រោម៖

1. ឈ្មោះ ប៊ន វុធ ស្នើសុំពិនិត្យទីតាំងទំហំ ៥០,៤៤ ហិកតា ស្ថិតក្នុងភូមិព្រែកខ្សាច់ ឃុំព្រែកខ្សាច់ ស្រុកគីរីសាគរ ខេត្តកោះកុង ។
2. ឈ្មោះ ហាក់ ហឿន ស្នើសុំពិនិត្យទីតាំងទំហំ ២ ហិកតា ស្ថិតក្នុងភូមិយាយសែន ឃុំព្រែកខ្សាច់ ស្រុកគីរីសាគរ ខេត្តកោះកុង ។

លោកអភិបាលរងខេត្ត បានណែនាំឲ្យរដ្ឋបាលស្រុកគិរីសាគរ ដឹកនាំ និងសម្របសម្រួលជាមួយមន្ទីរជំនាញ និងអាជ្ញាធរមូលដ្ឋាន ដើម្បីចុះពិនិត្យទីតាំងជាក់ស្តែង កំណត់និយាមកា និងរៀបចំសំណុំឯកសារ រួមមានកំណត់ហេតុ និងរបាយការណ៍ គោរពជូនរដ្ឋបាលខេត្តសម្រេច ៕