លោកស្រី សម្បូរ សុភា ប្រធានមន្ទីរមន្ទីរវប្បធម៌និងវិចិត្រសិល្ប: បានចូលរួមសិក្ខាសាលាថ្នាក់តំបន់ស្ដីពី “ វិធានការ និងការការពារសកម្មភាពទន្រ្ទានទីទួលបុរាណ ការលួចជីកកាយ ការទប់ស្កាត់អំពេីចោរកម្ម និងការជួញដូរ សម្បត្តិវប្បធម៌ដោយខុស ច្បាប់“។
នៅវេលាថ្ងៃចន្ទ-ពុធ ៩រោច ខែបុស្ស ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៤-២៦ ខែមករា ឆ្នាំ២០២២ លោកស្រី សម្បូរ សុភា ប្រធានមន្ទីរវប្បធម៌និងវិចិត្រសិល្ប: និងលោក មាស ភីចេ អនុប្រធានការិយាល័យបេតិកភណ្ឌ បានចូលរួមសិក្ខាសាលាថ្នាក់តំបន់ ស្ដីពី “ វិធានការ និងការការពារសកម្មភាពទន្រ្ទានទីទួលបុរាណ ការលួចជីកកកាយ ការទប់ស្កាត់អំពេីចោរកម្ម និងការជួញដូរ សម្បត្តិវប្បធម៌ដោយខុសច្បាប់ ” ក្រោមអធិបតីភាពដ៏ខ្ពង់ខ្ពស់ លោកជំទាវ បណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្ប: តំណាងស្ថានទូតពាក់ព័ន្ធ និងបណ្ដាប្រធានមន្ទីរ ប្រធានការិយាល័យ ទាំង២៥ខេត្តក្រុង។ អង្គសិក្ខាសាលាថ្នាក់តំបន់នេះ ប្រារព្វធ្វេីឡេីង ក្រោមការរៀបចំដោយក្រសួងវប្បធម៌និងវិចិត្រសិល្ប: និងមានការឧបត្ថម្ភ ពីមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង នៅសណ្ឋាគារសុខាល័យអង្គរ ខេត្តសៀមរាប។
