ចុះផ្សព្វផ្សាយច្បាប់ចរាចរណ៍ផ្លូវគោក និងចងបដាដើម្បីពញ្ញាក់ស្មារតី ដល់អ្នកប្រើប្រាស់ផ្លូវឲ្យគោរពច្បាប់ចរាចរណ៍ និងមានការប្រុងប្រយ័ត្នខ្ពស់ ដើម្បីកាត់បន្ថយគ្រោះថ្នាក់នៅក្រុងខេមរភូមិន្ទ
នាព្រឹកថ្ងៃព្រហស្បតិ៍ ៣ រោច ខែបុស្ស ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២០ ខែមករា ឆ្នាំ២០២២ លោកស្រី កង ភីរម្យ ប្រធានការិយាល័យសុវត្ថិភាពចរាចរណ៍ បានសហការជាមួយប៉ូលីសចរាចរណ៍នៃអធិការដ្ឋាននគរបាលក្រុងខេមភូមិន្ទ ចុះផ្សព្វផ្សាយច្បាប់ និងបានចែកជូន សៀវភៅ ស្តីពី ច្បាប់ចរាចរណ៍ផ្លូវគោក, សៀវភៅអ្វីដែលអ្នកបើកបរទោចក្រយានយន្តត្រូវយល់ដឹង, ប្រការសំខាន់ៗដែលត្រូវចងចាំចំពោះអ្នកប្រើប្រាស់ផ្លូវ ជូនដល់ប្រជាពលរដ្ឋ និងបានចងបដាដើម្បីពញ្ញាក់ស្មារតី ដល់អ្នកប្រើប្រាស់ផ្លូវឲ្យគោរពច្បាប់ចរាចរណ៍ និងមានការប្រុងប្រយ័ត្នខ្ពស់ ដើម្បីកាត់បន្ថយគ្រោះថ្នាក់ស្ថិតក្នុងក្រុងខេមរភូមិន្ទ ខេត្តកោះកុង ។
