រដ្ឋបាលខេត្តកោះកុង

វេលាម៉ោង ៨:០០នាទីព្រឹក លោក ក្រូច បូរីសីហា អភិបាលរង នៃគណៈអភិបាលស្រុកបូទុមសាគរ នឹងជាអភិបាលរងទទួលបន្ទុក ដោះស្រាយសម្របសម្រួលវិវាទមូលដ្ឋានថ្នាក់ស្រុក បានដឹកនាំកិច្ចប្រជុំ ស្តីពីសំណើការដោះស្រាយសម្របសម្រួលបញ្ហាបើកផ្លូវចាស់មួយកន្លែងឡើងវិញ របស់ប្រជាពលរដ្ឋចំនួន០៥គ្រួសារ មានការចូលរួមពីការិយាល័យភូមិបាលស្រុក អាជ្ញាធរ ឃុំ ភូមិ និងអ្នកពាក់ព័ន្ធ ដែលមានទីតាំងដីស្នើសុំស្ថិតនៅក្នុងភូមិស្រែថ្មី ឃុំថ្មស ស្រុកបូទុមសាគរ ខេត្តកោះកុង។ក្រោយពីបានប្រជុំពិភាក្សាគ្នារួចមក អង្គប្រជុំមិនបានយល់ព្រមឯកភាពគ្នាទេ លោកប្រធានអង្គប្រជុំ បានទុកពេលឲ្យភាគីពាក់ព័ន្ធទាំងអស់ ពិគ្រោះយល់គ្នាបន្ត និងរៀបចំសម្របសម្រួលនៅលើកក្រោយ។

ប្រភព:រដ្ឋបាលស្រុកបូទុមសាគរ=========================

ថ្ងៃអង្គារ ៩ រោច ខែមិគសិរ ឆ្នាំឆ្លូវត្រីស័ក ពុទ្ធសករាជ ២៥៦៥