លោក អិក កួន មេឃុំថ្មស បានដឹកនាំក្រុមការងារភូមិឃុំ  បានចុះត្រួតពិនិត្យការធ្វើផ្លូវបេតុងអាមេ ៣ខ្សែ ខ្សែទី ១ និងខ្សែទី ២ មានប្រវែង ២២៣ម៉ែត្រ ទទឹង ៤ម៉ែត្រ កម្រាស់ ០.១៥ម៉ែត្រ និងខ្សែទី៣ ប្រវែង ១២៣ម៉ែត្រ ទទឹង ២ម៉ែត្រ កម្រាស់ ០.១៥ម៉ែត្រ ដែលប្រើប្រាស់មូលនិធិអភិវឌ្ឍឃុំឆ្នាំ២០២១  តាមការពិនិត្យជាក់ស្ដែងផ្លូវបេតុងទាំងបីខ្សែនេះបានសាងសង់បានប្រមាណ ៨០% ហើយក្រុមការងារបន្តចុះពិនិត្យប្រព័ន្ធលូបង្ហូរទឹក ដែលខូចខាត និងត្រៀមធ្វើការជួសជុលលូឡើងវិញ ដើម្បីប្រជាពលរដ្ឋងាយស្រួលរស់នៅប្រកបរបររកសុី ពិសេសជួយសម្រួលដល់ការដឹកជញ្ជូនភោគផលនេសាទមកផ្សារ ការធ្វើដំណើរទៅទីតាំង

ផ្សេងៗនៅក្នុងមូលដ្ឋានឃុំ។

ប្រភព:រដ្ឋបាលស្រុកបូទុមសាគរ

————————————————

ថ្ងៃពុធ ០៣រោច  ខែមិគសិរ 

ឆ្នាំឆ្លូវ ត្រីស័ក ព.ស២៥៦៥ 

ដែលត្រូវនឹងថ្ងៃទី ២២ ខែ ធ្នូ ឆ្នាំ ២០២១

វេលាម៉ោង ៨:២៥ព្រឹក