លោក អ៊ូច ទូច ប្រធានមន្ទីរធម្មការ និងសាសនាខេត្ត បានចូលរួមពិធីបិទអង្គអនុសំវច្ឆរមហាសន្និបាតមន្រ្តីសង្ឃទូទាំងប្រទេសលើកទី២៩ ក្រោមអធិបតីភាពដ៏ខ្ពង់ខ្ពស់លោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ។
ដោយមានការយាងនិមន្តអញ្ជើញចូលរួមពី សម្ដេចព្រះមហាសង្ឃរាជទាំងគណ: សម្ដេចព្រះសង្ឃនាយករង សម្ដេចព្រះរាជាគណៈ ព្រះមេគណទូទាំង២៥រាជធានីខេត្ត ឯកឧត្តមលោកជំទាវ ជាសមាជិកព្រឹទ្ធសភា រដ្ឋសភា រាជរដ្ឋាភិបាល ឯកឧត្តមលោកជំទាវ ជារដ្ឋលេខាធិការ-អនុរដ្ឋលេខាធិកា អគ្គនាយក-អគ្គនាយករង លោក-លោកស្រីប្រធាន-អនុប្រធានមន្ទីរ២៥រាជធានីខេត្ត នៃក្រសួងធម្មការ និងសាសនា ស្ថិតក្នុងសាលសន្និសីទចតុម្មុខ រាជធានីភ្នំពេញ ។
អនុសំវច្ឆរមហាសន្និបាតមន្ត្រីសង្ឃទូទាំងប្រទេសលើទី២៩ទាំងពីរគណ: បានប្រព្រឹត្តទៅក្រោមបរិយាកាសរីករាយ សោមនស្សនិងដាក់ចេញនូវគោលដៅសម្រាប់អនុវត្តការងាររបស់គណៈសង្ឃទាំងពីរគណៈស្រមតាមគោលនយោបាយរបស់រាជរដ្ឋាភិបាល ដើម្បីដឹកនាំ និងអភិវឌ្ឍន៍ ព្រះពុទ្ធសាសនាដែលជាសាសនារបស់រដ្ឋ ឱ្យបានរុងរឿងថ្កុំថ្កើង ទៅថ្ងៃអនាគត។
ថ្ងៃអង្គារ២រោច ខែមិគសិរ ឆ្នាំឆ្នូវត្រីស័កព.ស.២៥៦៥ ត្រូវនឹងថ្ងៃទី២១ខែធ្នូ ឆ្នាំ២០២១
