រដ្ឋបាលខេត្តកោះកុង

ដោយមើលឃើញពីទុក្ខលំបាករបស់លោកយាយ មក ភិន លោក ចាន់ សុខ មេឃុំប្រឡាយ បានដឹកនាំក្រុមការងារចុះសាងសង់ផ្ទះមួយខ្នងជូន លោក យាយ នៅភូមិប្រឡាយ ឃុំប្រឡាយ ស្រុកថ្មបាំង ខេត្តកោះកុង។

លោកយាយ មក ភិន ដែលជាម្ចាស់ផ្ទះខាងលើ បានថ្លែងអំណរគុណយ៉ាងជ្រៀលជ្រៅបំផុត ចំពោះក្រុមការងាររបស់លោកមេឃុំដែលបានជួយឧបត្ថម្ភសម្ភារ មិនតែប៉ុណ្ណោះថែមទាំងជួយសាងសង់ផ្ទះជូនគាត់ថែមទៀតផង​ ដែលធ្វើឲ្យគាត់មានការរំភើប​ សប្បាយក្នុងចិត្តយ៉ាងខ្លាំង។

ថ្ងៃសៅរ៍ ១៤កើត ខែមិគសិរ ឆ្នាំឆ្លូវ ត្រីស័ក ព.ស២៥៦៥

ត្រូវនឹងថ្ងៃទី១៨ ខែធ្នូ ឆ្នាំ២០២១