ថ្ងៃទី២៦ ខែវិច្ឆិកា ឆ្នាំ២០២១ លោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល បានអញ្ជើញចូលរួមក្នុងពិធីលែងអណ្ដើកហ្លួង ចូលជម្រកធម្មជាតិ ក្នុងប្រព័ន្ធព្រែកស្រែអំបិល ក្រោមអធិបតីភាព ឯកឧត្តម ពុំ សុថា ប្រតិភូរាជរដ្ឋាភិបាល ទទួលបន្ទុក ជាប្រធានរដ្ឋបាលជលផល ដោយមានការនិមន្ដ និងអញ្ជើញចូលរួមពី ព្រះតេជគុណ ព្រះភិក្ខុវជិរបញ្ញោ គូ សុភាព លោកនាយកអង្គការWCSប្រចាំនៅកម្ពុជា លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ លោកនាយកអធិការដ្ឋានរដ្ឋបាលជលផលសមុទ្រ លោកអភិបាលរងស្រុកកំពង់សីលា លោកមេឃុំ មេភូមិ និងប្រជាពលរដ្ឋ ដែលប្រារព្ធធ្វើឡើងនៅព្រែកកំពង់លើ ភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ។
ប្រភព: ឡូ រដ្ឋា
