លោក អ៊ុក ភ័ក្ត្រា អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំ ស្តីពីការរៀបចំចងក្រង និងប្រមូលទិន្នន័យលម្អិត អំពីកោះ ក្នុងលំហរសមុទ្រ ស្ថិតក្នុងភូមិសាស្ត្រខេត្តកោះកុង។

លោកអភិបាលរង បានផ្តល់អនុសាសន៍ និងផែនការបន្តមួយចំនួនដូចខាងក្រោម ៖
១.អង្គភាពនីមួយៗ ត្រូវចាត់តាំងសមាសភាពចូលរួម និងសហការក្នុងការចុះពិនិត្យ និងប្រមូលទិន្នន័យជាក់ស្តែងនៅតាមទីតាំងកោះនីមួយៗ ដោយយកនូវទិដ្ឋភាពភូមិសាស្ត្រ និយាមកា រូបភាព និងវីដេអូ សំដៅជំរុញវិស័យទេសចរណ៍ និងទាក់ទាញវិនិយោគិនមកដាក់ទុនបន្ថែម
២.មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ត្រូវធានាឱ្យមានមន្ត្រីចុះយកនិយាមកា ដោយប្រើប្រាស់ម៉ាស៊ីនប្រភេទ DGPS ជាមួយក្រុមការងារ
៣.សម្រាប់កាលបរិច្ឆេទ នៃការចុះកោះនីមួយៗ ក្រុមការងារថ្នាក់ខេត្ត នឹងធ្វើការជូនដំណឹងលម្អិតបន្ថែមនៅពេលក្រោយ៕

ថ្ងៃព្រហស្បតិ៍ ៦ រោច ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី២៥ ខែវិច្ឆិកា ឆ្នាំ២០២១ November 25, 2021