រដ្ឋបាលខេត្តកោះកុង

ក្រៅពីការថែទាំ ព្យាបាល នៅតាមផ្នែកនីមួយៗ នៃមន្ទីរពេទ្យ តែងតែធ្វើការអប់រំសុខភាព ដល់អ្នកជំងឺ និងអ្នកកំដរជាប្រចាំ ដើម្បីចូលរួមបញ្ជ្រាបឱ្យពួកគាត់មានការយល់ដឹងទាក់ទងទៅនឹងការបង្ការជំងឺ កត្តាដែលបង្ករឱ្យមានហានិភ័យដល់សុខភាព ការយល់ដឹងពីការថែទាំបន្តនៅតាមផ្ទះ…។ល។ ទាំងនេះជាកត្តាសំខាន់ដែលអាចចូលរួមចំណែកឱ្យប្រជាពលរដ្ឋមានការយល់ដឹង ចេះថែរក្សាសុខភាព កាត់បន្ថយអត្រាឈឺនិងចំនួនដងការចូលសម្រាកពេទ្យ ។
ការអប់រំសុខភាព​ ការលេីកកម្ពស់សុខភាពសាធារណៈ (Health Education, Health promotion) ​គឺបេសកម្មមួយដ៏សំខាន់មួយរបស់មន្ទីរពេទ្យបង្អែកខេត្តកោះកុង ដើម្បីចូលរួមឆ្លើយតបទៅនឹងចក្ខុវិស័យរបស់មន្ទីរពេទ្យ គឺបំរើសេវាសុខភាពជូនប្រជាពលរដ្ឋប្រកបដោយគុណភាព ប្រសិទ្ធភាព និងតម្លាភាព ដោយធ្វេីយ៉ាងណាឲប្រជាពលរដ្ឋរស់នៅប្រកបដោយភាពសុខដុមរមនា​ទាំងផ្លូវកាយ​ និងផ្លូវចិត្ត។