ថ្ងៃពុធ ១៣ រោច ខែអស្សុជ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៣ ខែវិច្ឆិកា ឆ្នាំ២០២១
_««»»_
កោះកុង៖ ព្រះព្រហ្មសិរីញ្ញាណ ហេង សំបូរ ព្រះរាជាគណៈថ្នាក់កិត្តិយស និងជាព្រះមេគណខេត្តកោះកុង និងលោក អ៊ូច ទូច ប្រធានមន្ទីរធម្មការ និងសាសនាខេត្តកោះកុង បានចូលរួមជាអធិបតីក្នុងកិច្ចប្រជុំសំណេះសំណាលស្តីពីការ រំលឹកឡើងវិញនូវការអនុវត្តតួនាទី និងភារកិច្ចអាចារ្យគណៈកម្មការ និងព្រះចៅអធិការកិច្ចប្រជុំសំណេះសំណាលនេះប្រារព្ធនៅវត្តនិគ្រោធារាមហៅវត្តចាំយាម និងមានការនិមន្តចូលរួមជាគណៈអធិបតីពីព្រះវិន័យធរខេត្ត ព្រះគ្រូអនុគណស្រុកមណ្ឌលសីមា លោកអនុប្រធានមន្ទីរ ប្រធានការិយាល័យជំនាញមន្ទីរ និងប្រធានការិយាល័យសង្គមកិច្ច និងសុខុមាលភាពសង្គមសស្រុកមណ្ឌលសីមា។