រដ្ឋបាលខេត្តកោះកុង

នៅថ្ងៃទី៣០ ខែតុលា ឆ្នាំ២០២១ លោក ម៉ាស់ សុជា ប្រធានក្រុមប្រឹក្សាស្រុក លោក លោកស្រី សមាជិកក្រុមប្រឹក្សាស្រុក និងលោក ជា ច័ន្ទកញ្ញា អភិបាលស្រុក លោកអភិបាលរងស្រុក ព្រមទាំងមន្ត្រីរាជការរដ្ឋបាលស្រុកស្រែអំបិល បានអញ្ជើញចូលរួមក្នុងពិធីបុណ្យកឋិនទានសាមគ្គី និងបាននាំយកបច្ច័យ ទេយ្យទាន ថ្វាយគ្រឿងសក្ការបូជា នមស្សការព្រះរតនត្រ័យ សមាទាន់សីល និងនិមន្តព្រះសង្ឃចម្រើនព្រះបរិត្ត សម្ដែងធម៌ទេសនា នៅវត្តមហានន្ទិយបុព្វារាមវ័ននិវេទ ហៅវត្តគិរីវ័ន្ធ ស្ថិតនៅភូមិអូរជ្រៅ ឃុំបឹងព្រាវ ស្រុកស្រែអំបិល ។

រដ្ឋបាលស្រុកស្រែអំបិល សូមថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុនមិត្តហ្វូន (Metfone) ដែលបានជួយឧបត្ថម្ភគ្រឿងឧបភោគ បរិភោគ និងសម្ភារៈ ខាងលើនេះ ដើម្បីចូលរួមចំណែកគាំទ្រសកម្មភាពជាមួយក្រុមការងាររាជរដ្ឋាភិបាលកម្ពុជាចុះមូលដ្ឋានស្រុកស្រែអំបិល និងរដ្ឋបាលស្រុក ក្នុងការប្រយុទ្ធប្រឆាំងទប់ស្កាត់ការឆ្លង រាលដាល នៃជំងឺកូវីដ-១៩ និងសូមជូនពរ ក្រុមហ៊ុនមិត្តហ្វូន និងបុគ្គលិកទាំងអស់ សូមជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

____
ប្រភព: ឡូ រដ្ឋា