នាព្រឹកថ្ងៃចន្ទ ៥កើត ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែតុលា ឆ្នាំ២០២១ លោក យក់ សង្វាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈ បានចាត់តាំង ក្រុមអធិការកិច្ចការងារ មានសមាសភាពលោក ស វាសនា ប្រធានការិយាល័យ បណ្ដុះបណ្ដាលវិជ្ជាជីវ: និងលោក វណ្ណ សុខគង់ អនុប្រធានការិយាល័យអធិការកិច្ច និងវិវាទការងារ បានចុះពិនិត្យការធ្វើតេស្តរហ័សរកមេរោគកូវីដ-១៩ ដល់កម្មនិយោជិត បានចំនួន ៤រោងចក្រ រួមមានរោងចក្រខេមកូ រោងចក្រហាណា រោងចក្រមីកាសា និងរោងចក្រ៩៩ ដែលស្ថិតនៅក្នុងតំបន់សេដ្ឋកិច្ចពិសេសកោះកុង ស្របតាមសេចក្ដីណែនាំបន្ថែមលេខ ០៦៣/២១ ក.ប/ស.ណ.ន.ខ.ល ស្ដីពីការធ្វើតេស្តរហ័សរកមេរោគកូវីដ-១៩ ដល់កម្មករនិយោជិត នៅតាមរោងចក្រ សហគ្រាស ក្រោយពេលឈប់សម្រាកក្នុងពិធីបុណ្យភ្ជុំបិណ្ឌ ឆ្នាំ២០២១ របស់ក្រសួងការងារ និងបណ្ដុះបណ្ដាលវិជ្ជាជីវៈ។