ថ្ងៃសុក្រ ១០រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០១ ខែតុលា ឆ្នាំ២០២១

កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានរៀបចំកិច្ចប្រជុំបូកសរុបលទ្ធផលការងារសម្រេចបានក្នុងត្រីមាសទី៣ ឆ្នាំ២០២១ និងផែនការអនុវត្តបន្ត ដោយក្នុងនោះក៏បានបញ្ចូលនូវរបៀបវារៈចំនួន ០៣បន្ថែមរួមមាន៖

១. ការផ្សព្វផ្សាយអំពីការគ្រប់គ្រងប្រើប្រាស់មណ្ឌុលប្រមូលផ្តុំកសិផល

២. ការណែនាំអំពីនិតិវិធីវាយតម្លៃស្ថានភាពបណ្តុំអាជីវកម្ម

និងទី៣. ការរំលឹកឡើងវិញនូវនិតិវិធីបញ្ចូលទិន្នន័យ និងការធ្វើបច្ចុប្បនភាពក្នុងប្រព័ន្ធ (MIS)។

ដំណើរការកម្មវិធីសម្របសម្រួលដោយទីប្រឹក្សាគ្រប់គ្រងអនុកម្មវិធី និងទីប្រឹក្សា M&E និងទីប្រឹក្សាទីផ្សា ដោយមានការចូលរួមពីមន្រ្តីបង្គោលមន្ទីរ និងភ្នាក់ងារផ្សព្វផ្សាយកសិកម្មឃុំ សង្កាត់ទាំង៦ ក្រុង ស្រុក មានអ្នកចូលរួមសរុប ២០នាក់ ស្រី ០៥នាក់។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង