រដ្ឋបាលខេត្តកោះកុង

ថ្ងៃទី២៧ ខែកញ្ញា ឆ្នាំ២០២១ ដោយមានការចាត់តាំងពីលោក យក់ សង្វាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈ មន្ត្រីអធិការកិច្ចការងារមានសមាសភាព ២រូប គឺលោក ស វាសនា  ប្រធានការិយាល័យបណ្ដុះបណ្ដាលវិជ្ជាជីវៈ និងលោក វណ្ណ សុខ គង់ អនុប្រធានការិយាល័យអធិការកិច្ច និងវិវាទការងារ បានចូលរួមសង្កេតការបោះឆ្នោតជ្រើសរើសប្រតិភូបុគ្គលិក របស់ធនាគារ អេ ប៊ី អេ សាខាខេត្តកោះកុង។
ឆ្លៀតក្នុងឱកាសនោះ មន្ត្រីអធិការកិច្ចបានបញ្ជ្រាបការចូលរួមទប់ស្កាត់ការឆ្លងរីករាលដាលនៃជំងឺកូវីដ-១៩ ដោយអនុវត្តតាមគោលការណ៍ណែនាំរបស់ក្រសួងសុខាភិបាល ជាពិសេសអនុសាសន៍របស់ប្រមុខរាជរដ្ឋាភិបាល ៣កុំ ៣ការពារ ព្រមទាំងចូលរួមទប់ស្កាត់ការឆ្លងជំងឺអេដស៍ ក៏ដូចជាការប្រយុទ្ធប្រឆាំងការជួញដូរ និងការប្រើប្រាស់នូវសារធាតុញៀនខុសច្បាប់។

ថ្ងៃចន្ទ ៦រោច ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១