ដោយមានការចាត់តាំងពីលោក យក់ សង្វាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈ ថ្ងៃទី២ ខែកញ្ញា ឆ្នាំ២០២១ មន្ត្រីអធិការកិច្ចការងារ បានចូលរួមពិនិត្យការធ្វើតេស្តរហ័សរកមេរោគកូវីដ-១៩ លើកទី១ ជូនដល់កម្មករនិយោជិត របស់ក្រុមហ៊ុនហាណា ដែលស្ថិតនៅក្នុងតំបន់សេដ្ឋកិច្ចពិសេសកោះកុង ស្របតាមសេចក្តីណែនាំលេខ ០៥៨/២១ ក.ប/ស.ណ.ន.ខ.ល ស្តីពីការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ នៅតាមរោងចក្រ សហគ្រាស របស់ក្រសួងការងារ និងបណ្តុះបណ្ដាលវិជ្ជាជីវៈ ក្រោមកិច្ចសហការយ៉ាងយកចិត្តទុកដាក់ពីក្រុមគ្រូពេទ្យនៃមន្ទីរសុខាភិបាល និងថ្នាក់ដឹកនាំក្រុមហ៊ុនផងដែរ។
ក្នុងថ្ងៃនេះ ការធ្វើតេស្តជូនដល់កម្មករនិយោជិត សន្តិសុខ អ្នកអនាម័យ អ្នកបើកបរ និងអ្នកលក់ដូរ ក្នុងក្រុមហ៊ុនហាណាត្រូវបានបញ្ចប់១០០% ដោយទទួលបានលទ្ធផលល្អប្រសើរ គឺពុំមានកម្មករនិយោជិតណាម្នាក់មានសញ្ញាវិជ្ជមានកូវីដ-១៩ នោះទេ។
ដូច្នេះសូមពុកម៉ែ បងប្អូនប្រជាពលរដ្ឋទាំងអស់ រួមគ្នាបន្តប្រយុទ្ធប្រឆាំងនឹងជំងឺកូវីដ-១៩ ដោយអនុវត្តតាមការណែនាំរបស់ក្រសួងសុខាភិបាល ៣ការពារ និង៣កុំ ដើម្បីជៀសផុតពីជំងឺដ៏កាចសាហាវនេះ។
ថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥
ត្រូវនឹងថ្ងៃទី២ ខែកញ្ញា ឆ្នាំ២០២១
