ដោយមានការចាត់តាំងពីលោក យក់ សង្វាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តកោះកុង នាថ្ងៃទី២៥ ខែសីហា ឆ្នាំ២០២១ មន្ត្រីអធិការកិច្ចការងារ មានសមាសភាព ២រូប គឺលោក ស វាសនា ប្រធានការិយាល័យបណ្ដុះបណ្ដាលវិជ្ជាជីវៈ និងលោក វណ្ណ សុខគង់ អនុប្រធានការិយាល័យអធិការកិច្ច និងវិវាទការងារ បានចូលរួមពិធីបោះឆ្នោតជ្រើសរើសប្រតិភូបុគ្គលិកអណត្តិទី៥ របស់ក្រុមហ៊ុនយ៉ាហ្សាគី។
ឆ្លៀតក្នុងឱកាសនោះ មន្ត្រីអធិការកិច្ចការងារបានបញ្ជ្រាបការចូលរួមទប់ស្កាត់ការរីករាលដាលនៃជំងឺកូវីដ-១៩ ត្រូវអនុវត្តតាមគោលការណ៍ណែនាំរបស់ក្រសួងសុខាភិបាល ក៏ដូចជាអនុសាសន៍របស់ប្រមុខរាជរដ្ឋាភិបាល ៣ការពារ និង៣កុំ ឱ្យបានខ្ជាប់ខ្ជួន ព្រមទាំងចូលរួមទប់ស្កាត់ការឆ្លងជំងឺអេដស៍ ប្រយុទ្ធប្រឆាំងការជួញដូរ និងការប្រើប្រាស់នូវសារធាតុញៀនខុសច្បាប់។
ថ្ងៃព្រហស្បតិ៍ ៣រោច ខែស្រាពណ៍ ឆ្នាំឆ្លូវ ព.ស.២៥៦៥ ត្រូវនឹងថ្ងៃទី២៦ ខែសីហា ឆ្នាំ២០២១
