វេលាម៉ោង ១០:០០ នាទីព្រឹក លោក ម៉ាស់ សុជា ប្រធានក្រុមប្រឹក្សាស្រុកស្រែអំបិល និងលោក ជា ច័ន្ទកញ្ញា អភិបាលស្រុកអញ្ជើញអមដំណើរ ឯកឧត្តម ឧត្តមសេនីយ៍ឯក ហេង អៀង អគ្គលេខាធិការរង តំណាង ឯកឧត្តម នាយឧត្តមសេនីយ៍ បណ្ឌិត ផនណារ៉ា អគ្គលេខាធិការ នៃអគ្គលេខាធិការដ្ឋានអាជ្ញាធជាតិទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រែអំបិល ដោយមានការអញ្ជើញចូលរួមពី លោក លោកស្រី សមាជិកក្រុមប្រឹក្សាស្រុក អភិបាលរងស្រុក ប្រធានការិយាល័យអង្គភាពជុំវិញស្រុក និងអាជ្ញាធរឃុំស្រែអំបិល នាំយកទៀនព្រះវស្សា និងទេយ្យទានប្រគេនព្រះសង្ឃដែលគង់ចាំព្រះវស្សានៅវត្តចំនួន ០៦វត្ត រួមមាន វត្តអង្គត្នោតដងពែង (ហៅវត្តដងពែង) វត្តរស្មីសាមគ្គីគិរីទ័ពជាង(ហៅវត្តទ័ពជាង) វត្តស្ទឹងពង្រូល វត្តកំលត វត្តពោធិ៍បឹង និងវត្តគងឆា ដោយរៀបចំប្រគេនរួមនៅវត្តរស្មីសាមគ្គីគិរីទ័ពជាង ភូមិត្រពាំងឃុំស្រែអំបិល ក្នុងមួយវត្តមាន៖
+ទានព្រះវស្សា ១គូ
+ជើងពានដាក់ទៀនព្រះវស្សា ១គូ
+អង្ករ ១០០គ.ក្រ
+ទឹកក្រូច ១កេស
+ទឹកផ្លែឈើ ១កេស
+ភេសជ្ជៈបាកាស ១កេស
+ទឹកបរិសុទ្ធវីតាល់ ១កេស
+ទឹកស៊ីអ៊ីវ ១យួរ
+ទឹកត្រី ១កេស
+ត្រីខ ៣យួរ
+មី ២កេស
+ម៉ាស ៦ប្រអប់
+អាកុល ៥លីត្រ
+ដបបាញ់កុល ១ដប
+បច្ច័យ ២០០.០០០រៀល
ក្នុងនោះ ក្រុមប្រឹក្សាស្រុក គណៈអភិបាលស្រុក និងមន្ត្រីរាជាការនៃរដ្ឋបាលស្រុក ចូលរួមបច្ច័យក្នុងមួយវត្តចំនួន ៣៩៥.០០០រៀល។
-កម្លាំងគណៈបញ្ជាការឯកភាពរដ្ឋបាលស្រុក សហការជាមួយក្រុមគ្រូពេទ្យបង្អែកស្រែអំបិល និងអាជ្ញាធរឃុំ ប្រចាំការនៅគោលដៅវិទ្យាល័យស្រែអំបិល និងបឋមសិក្សាស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង។
អាស្រ័យដូចបានជម្រាបជូនខាងលើ សូមលោកជំទាវមេត្តាជ្រាបជារបាយការណ៍។
សូមលោកជំទាវទទួលនូវការគោរពដ៍ខ្ពង់ខ្ពស់អំពីខ្ញុំ។
ប្រភព: ឡូ រដ្ឋា
