រដ្ឋបាលខេត្តកោះកុង

លោក អ៊ូច ទូច ប្រធានមន្ទីរធម្មការ និងសាសនាខេត្តកោះកុង និងអនុប្រធានអនុគណៈគ្រប់គ្រង និងចាត់ចែងសាកសពអ្នកជំងឺកូវីដ-១៩ និងជាតំណាងលោក ឃឹម ច័ន្ទឌី អភិបាលរងខេត្ត និងប្រធានអនុគណៈគ្រប់គ្រង និងចាត់ចែងសាកសពអ្នកជំងឺកូវីដ-១៩ លោក សំ ផល្លី ជាលេខាធិការនៃអនុគណៈទី១០ របស់រដ្ឋបាលខេត្តកោះកុង លោកជំទប់ទី១ សង្កាត់ស្មាច់មានជ័យ លោកមេឃុំបឹងឃុនឆាង និងប្រជាការពារក្រុងខេមរភូមិន្ទប្រមាណ១០នាក់ បានចូលរួមប្រគល់ ទទួលក្តារមឈូស ចំនួន១២០ក្តារមឈូស។ ដោយមានការគិតគូរយ៉ាងដិតដល់ និងការទទួលខ្ពស់ពីសំណាក់ប្រមុខរាជរដ្ឋាភិបាលនៃព្រះរាជាណាចក្រកម្ពុជាអំពីស្ថានភាពជំងឺកូវីដ-១៩ទូទាំងព្រះរាជាណាចក្រកម្ពុជា ប្រមុខរាជរដ្ឋាភិបាលបានផ្តល់ក្តារមឈូសចំនួន១២០ក្តារមឈូសសម្រាប់ដាក់សាកសពអ្នកជំងឺកូវីដ-១៩ ជូនរដ្ឋបាលខេត្តកោះកុងសម្រាប់ប្រើប្រាស់តាមតម្រូវការជាក់ស្តែង។
ក្នុងនោះដែររដ្ឋបាលខេត្តបានធ្វើការបែងចែកទៅតាមបណ្តាស្រុកមួយចំនួនដូចជា:
១-ស្រុកស្រែអំបិលទទួលចំនួន៥០ក្តារមឈូម
២-ក្រុងខេមរភូមិន្ទ និងស្រុកមណ្ឌលសីមាទទួលបានចំនួន៧០ក្តារមឈូស។
ជាចុងក្រោយនេះ ក្នុងនាមរដ្ឋបាលខេត្តកោះកុង និងប្រធានអនុគណៈគ្រប់គ្រង និងចាត់ចែងសាកសពកូវីដ-១៩ និងប្រជាពលរដ្ឋទូទាំងខេត្តកោះកុងសូមថ្លែងអំណរអរគុណយ៉ាងជ្រាលជ្រៅចំពោះប្រមុខរាជរដ្ឋាភិបាលដែលបានគិតគួរដល់សុខ ទុក្ខ ប្រជាពលរដ្ឋក្នុងគ្រាដ៏លំបាកលំបិននាសម័យកាលជំងឺកូវីដ-១៩នេះ។