ថ្ងៃទី១៨ ខែកក្កដា ឆ្នាំ២០២១ លោក ហុង ប្រុស អភិបាលរង នៃគណៈអភិបាលស្រុកស្រែអំបិល ដឹកនាំកម្លាំងគណៈបញ្ជាការឯកភាពរដ្ឋបាលស្រុក សហការជាមួយកម្លាំងអន្ដរគមន៍ នៃស្នងការនគរបាលខេត្តកោះកុង អាជ្ញាធរឃុំ និងកម្លាំងប្រជាការពារ ចុះអនុវត្តសេចក្ដីសម្រេចលេខ ០៩៦/២១ ស.ស.រ របស់រដ្ឋបាលខេត្តកោះកុង ស្ដីពីការអនុវត្តវិធានការរដ្ឋបាលជាបណ្ដោះអាសន្ន ដើម្បីប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ នៅក្នុងភូមិសាស្ត្រស្រុកស្រែអំបិល នៅគោលដៅអូរជ្រៅ ឃុំបឹងព្រាវ ហាមមិនឲ្យមានការជួបជុំគ្នា និងបំរាមគោចរដោយគ្មានការចាំបាច់ នៅចម្លោះ ២១:០០នាទីយប់ ដល់ម៉ោង ៤:០០ នាទីទៀបភ្លឺ។
ប្រភពៈ វឿន រិទ្ធី