ឯកឧត្តម ប៊ុន លើត រដ្ឋលេខាធិការ ក្រសួងការពារជាតិ និងអាជ្ញាធរខេត្តកោះកុង បានចុះពិនិត្យមណ្ឌលព្យាបាលអ្នកជំងឺកូវីដ-១៩ថ្មី ដែលរៀបចំឡើងដោយប្រើប្រាស់កេសក្រដាសធ្វើជាគ្រែសម្រាប់អ្នកជំងឺ ក្រោមមូលនិធិឆ្មាបាត់ ដើម្បីជាតម្រូវការបន្ទាន់ចាំព្យាបាលអ្នកជំងឺកូវីដ-១៩ ជូនប្រជាពលរដ្ឋ ដែលឆ្លងនៅក្នុងខេត្តកោះកុង។
អគារទាំងមូល អាចផ្ទុកគ្រែអ្នកជំងឺ សរុបបានចំនួនប្រមាណ ៦០០ នាក់ ការរៀបចំបានសម្រេចប្រមាណជា ៣០០ គ្រែ រួចហើយ ដោយមានការជួយរបស់ក្រុមស្ម័គ្រចិត្ត របស់មហាគ្រួសារ Off road បានចុះជួយក្នុង ការដំឡើងគ្រែ ដែលធ្វើពីកេសក្រដាស និងបរិក្ខាផ្សេងៗទៀត មូលនិធិឆ្មាបាត់ នេះជាគំនិតផ្តួចផ្តើម របស់លោកស្រី តៅ តឿន ទៀ បាញ់ បានបង្កើតនូវ ដោយមានការចូលរួមពីសំណាក់អាជ្ញាធរខេត្ត និងឧកញ៉ា ឯម សៀកឡន ផងដែរ។
