រដ្ឋបាលខេត្តកោះកុង

អ្នកជំងឺកូវីដ-១៩ ដែលជាសះស្បើយ ចេញពីមណ្ឌលព្យាបាល​កម្រិតស្រាល
ចូលរួមអនុវត្តទាំងអស់គ្នានូវវិធានការ ៣ការពារ ៣កុំ
៣ ការពារ៖
ពាក់ម៉ាស់ លាងដៃ រក្សាគម្លាត
៣ កុំ៖
កុំចូលទៅកន្លែងបិទជិតគ្មានខ្យល់ចេញចូលរួមគ្នា
កុំប៉ះពាល់គ្នាដោយផ្ទាល់ ដូចជាចាប់ដៃ, ឱប ឬ កៀកស្មា
កុំប្រមូលផ្ដុំគ្នា ឬនៅកន្លែងដែលមានមនុស្សច្រើន

បងប្អូនដែលធ្វើចត្តាឡីស័ក សូមដាក់ខ្លួនរស់នៅដាច់ដោយឡែកពីក្រុមគ្រួសារ បងប្អូន មិត្តភ័ក្ដិ ប្រើប្រាស់របស់របរផ្សេងពីក្រុមគ្រួសារ ។​

ប្រសិនបងប្អូនមានរោគសញ្ញាសង្ស័យ ផ្ដាសាយ ក្ដៅខ្លួន ឈឺបំពង់ក ពិបាកដកដង្ហើម ហត់ ក្អក សូមទំនាក់ទំនងមក ក្រុមការងារឆ្លើយតបបន្ទាន់ តាមមូលដ្ឋានសុខាភិបាលដែលនៅជិត ឬនៅតាមទីតាំងយកសំណាកដែលបានកំណត់ ដូចជាវិទ្យាល័យកោះកុង វិទ្យាល័យចាំយាម ជាដើម។​

ចំនួនអ្នកជំងឺថ្មីមានជាបន្តបន្ទាប់ ក្រុមគ្រូពេទ្យធ្វើការកាន់តែច្រើនទៅច្រើនទៅ ក្រុមការងារពាក់ព័ន្ធ អាជ្ញាធរកាន់តែមមាញឹក តម្រូវការកន្លែងសម្រាកកាន់តែច្រើន។ ដូច្នេះសូមបងប្អូនទាំងអស់គ្នា ដែលជាបុគ្គលពាក់ព័ន្ធនឹងអ្នកវិជ្ជមានកូវីដ-១៩ ដែលបានដឹងដំណឹង សូមមេត្តាដាក់ខ្លួនឱ្យនៅដាច់ដោយឡែក តាមដានសុខភាពរបស់ខ្លួន ប្រសិនមានសញ្ញាណាសង្ស័យ សូមមកពិនិត្យសំណាករកកូវីដ-១៩។

យើងអាចកាត់ផ្ដាច់ការចម្លងកូវីដ-១៩ បាននៅពេលដែលបងប្អូនអនុវត្ត វិធានការ ៣ កុំ ៣ ការពារ បានត្រឹមត្រូវ និងធ្វើចត្តាឡីស័កបានត្រឹមត្រូវសម្រាប់បុគ្គលដែលពាក់ព័ន្ធជាមួយអ្នកវិជ្ជមានកូវីដ-១៩ និងពិនិត្យសំណាករកកូវីដ-១៩​ទាន់ពេលវេលា៕

•