រដ្ឋបាលខេត្តកោះកុង

ទីចាត់ការផែនការ និងវិនិយោគខេត្ត នាព្រឹកថ្ងៃចន្ទ ៤កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៤ ខែមិថុនា ឆ្នាំ២០២១ លោក ឡាំ ទី មន្រ្តីជំនួយបច្ចេកទេស នៃទីចាត់ការផែនការ និងវិនិយោគខេត្ត បានអញ្ជើញចូលរួមកិច្ចប្រជុំដេញថ្លៃគម្រោងមូលនិធិសង្កាត់ ឆ្នាំ២០២១ គម្រោងសាងសង់ផ្លូវបេតុងអាមេ ១ខ្សែ ប្រវែង ០.២៦០គម ទទឹង៥ម កម្រាស់១៥០មម និងស្លាកសញ្ញាគម្រោងចំនួន១ នៅភូមិបឹងឃុនឆាង នៃសង្កាត់ស្មាច់មានជ័យ ជាលទ្ធផល មានវត្តមានក្រុមហ៊ុនចំនួន៦បានចូលរួម តែក្រុមហ៊ុនដែលបានដាក់សំណើដេញថ្លៃមានតែចំនួន៥ក្រុមហ៊ុនប៉ុណ្ណោះ។ បន្ទាប់ពីបើកសំណើដេញថ្លៃ ក្រុមហ៊ុន ដែលបានដាក់តម្លៃទាបជាងគេបំផុត គឺក្រុមហ៊ុន ពៅ ផល្លា ហេតុនេះ គណៈកម្មការសង្កាត់បានសម្រេចជាបណ្តោះអាសន្នប្រគល់គម្រោងនេះ ជូនក្រុមហ៊ុន ពៅ ផល្លា ជាអ្នកអនុវត្តគម្រោង។