លោក ទូ សាវុធ អភិបាលរង នៃគណៈអភិបាលខេត្តកោះកុង បានអញ្ជើញចូលរួមដឹកនាំកិច្ចប្រជុំផ្សព្វផ្សាយការការពារឆ្លងជំងឺកូវីដ-១៩ នៅតំបន់សេដ្ឋកិច្ចពិសេសកោះកុង ចូលរួមមានប្រធានមន្ទីរសុខាភិបាល អាជ្ញាធរស្រុកមណ្ឌលសីមា តំណាងមន្ទីរការងារ តំណាងក្រុមហ៊ុន។

លោកអភិបាលរងខេត្តបានសំណូមពរដល់ក្រុមហ៊ុនដែលជ្រើសរើសកម្មករកម្មការនីចូលមកបំរើការក្នុងរោងចក្រ ត្រូវគោរពអនុវត្តតាមវិធានសុខាភិបាលនិងលិខិតរដ្ឋបាលខេត្ត លេខ១៧១/២១សជណ ចុះថ្ងៃទី០២មិថុនាឆ្នាំ២០២១បានត្រឹមត្រូវ។