រដ្ឋបាលឃុំប៉ាក់ខ្លង សហការណ៍នឹងចលនាយុវជនកម្ពុជាក្រុម១៥៧ សាខាខេត្ត ដោយបាននាំយកអំណោយមកប្រគល់ជូនជនចាស់ជរាឈ្មោះ សេង ង៉ូវ អាយុ៨៥ឆ្នាំរស់នៅម្នាក់ឯងគ្មានទីពឹង នៅភូមិ១ ឃុំប៉ាក់ខ្លង
រសៀលថ្ងៃចន្ទ ៥រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣១ ខែឧសភា ឆ្នាំ២០២១ រដ្ឋបាលឃុំប៉ាក់ខ្លង សហការណ៍នឹងចលនាយុវជនកម្ពុជាក្រុម១៥៧ សាខាខេត្ត កោះកុង ដឹកនាំដោយលោក គង់ សុភាព មេបញ្ជាការរងតំបន់ប្រតិបត្តិការសឹកកោះកុង ដោយបាននាំយកអំណោយមកប្រគល់ជូនជនចាស់ជរាឈ្មោះ សេង ង៉ូវ អាយុ៨៥ឆ្នាំរស់នៅម្នាក់ឯងគ្មានទីពឹង នៅភូមិ១ ឃុំប៉ាក់ខ្លង អំណោយមានអង្ករ ៥០ គីឡូក្រាម ប៊ីចេង ១ គីឡូក្រាម ទឹកត្រី១កេះ ស្ករស ២គីឡូក្រាម អំបិល ២គីឡូក្រាម ទឹកស៊ីអ៉ីវ ១យួរប្រេងសណ្តែក១ដបធំ មី១កេះតូច ត្រីខ១យួរ និងថវិកា ៥០០,០០០រៀល (ប្រាំរយពាន់រៀល)
