រដ្ឋបាលខេត្តកោះកុង

លោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល អញ្ជើញទទួលអំណោយ ឯកឧត្តម នាយឧត្តមសេនីយ៍ បណ្ឌិត ផន ណារ៉ា អគ្គលេខាធិការ នៃអគ្គលេខាធិការដ្ឋានអាជ្ញាធរជាតិទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម និងជាប្រធានក្រុមការងាររាជរដ្ឋាភិបាលកម្ពុជាចុះមូលដ្ឋានស្រុកស្រែអំបិល សម្រាប់ចែកជូនប្រជាពលរដ្ឋ ដែលស្ថិតក្នុងស្ថានភាពនៃការធ្វើចត្តាឡីស័កក្នុងស្រុកស្រែអំបិល ខេត្តកោះកុង។ អំណោយទាំងនោះ រួមមាន អង្ករ២តោន មី៣០កេស ត្រីខ៥០០កំប៉ុង ទឹកត្រី៩០០ដប ទឹកស៊ីអ៊ីវ៩០០ដប អាកុល១៥០លីត្រ និងម៉ាស១៦៥០០ម៉ាស។ ក្នុងនោះដែរ ឯកឧត្តមក៏បានឧបត្ថម្ភថវិកា និងសម្ភារៈមួយចំនួនជូនកម្លាំងប្រដាប់អាវុធផងដែរ។

រដ្ឋបាលស្រុកស្រែអំបិល សូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម នាយឧត្តមសេនីយ៍ បណ្ឌិត ផន ណារ៉ា និងលោកជំទាវ ព្រមទាំងក្រុមការងារ និងសូមជូនពរ ឯកឧត្តម នាយឧត្តមសេនីយ៍ បណ្ឌិត ផន ណារ៉ា និងលោកជំទាវ ព្រមទាំងក្រុមក្រុមការងារ ជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ប្រភព: រដ្ឋា