រដ្ឋបាលខេត្តកោះកុង

លោក សុខ សុទ្ធី អភិបាលរង នៃគណៈអភិបាលខេត្ត បានដឹកនាំកិច្ចប្រជុំស្តីអំពីសំណើរបស់ឈ្មោះ អ៊ុក សារុន ជានិវត្តជន មានអាសយដ្ឋាននៅភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដែលបានដាក់ពាក្យមករដ្ឋបាលសាលាខេត្ត ស្នើសុំអន្តរាគមន៍ចំពោះចំណាត់ការរបស់សាលាដំបូងខេត្តកោះកុង។

លោក អ៊ុក សារុន ស្នើសុំអន្តរាគមន៍ និងលើកលែងការចោទប្រកាន់របស់តុលាការ បន្ទាប់មកលោក សុខ សុទ្ធី អភិបាលរងខេត្ត បានលើកពីសាវតាដី លិខិតទិញ លក់ដីរួចមក នឹងបានពន្យល់ពីនីតិវិធីច្បាប់ដល់លោក អ៊ុក សារុន ។ លោកអភិបាលរងខេត្ត បានណែនាំទៅលោក អ៊ុក សារុន ថា:
១-រដ្ឋបាលខេត្តមិនអាចធ្វើការអន្តរាគមន៍ចំពោះសំណុំរឿងដែលស្ថិតក្នុងដែនសមត្ថកិច្ចរបស់តុលាការទេព្រោះតុលាការជាស្ថាប័នឯករាជ្យ។

២-បន្ទាប់ពីតុលាការដោះស្រាយរួច ករណីលោក អ៊ុក សារុន ចង់ប្តឹងបន្តសូមឲ្យរកភស្តុតាង លិខិតកាន់កាប់ដី លិខិតទិញ លក់ដី ឲ្យបានគ្រប់គ្រាន់ រួចដាក់ពាក្យសាជាថ្មីមករដ្ឋបាលខេត្ត ។

សាលប្រជុំ ក សាលាខេត្តកោះកុង ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវថ្ងៃទី២៦ ខែឧសភា ឆ្នាំ២០២១។