ថ្ងៃអង្គារ ១៤កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៥ ខែឧសភា ឆ្នាំ២០២១ (រដ្ឋបាលស្រុកមណ្ឌលសីមា)
ទីចាត់ការផែនការនិងវិនិយោគ សហការជាមួយ មន្ទីរផែនការខេត្ត បានរៀបចំ វគ្គផ្សព្វផ្សាយសេចក្តីណែនាំ ស្តីពីដំណើរការចាប់ផ្តើមរៀបចំ និងកសាងកម្មវិធីវិនិយោគបីឆ្នាំរំកិល(២០២២-២០២៤) របស់រដ្ឋបាលក្រុង ស្រុក និងឃុំ សង្កាត់ ទូទាំងខេត្តកោះកុង នៅស្រុកមណ្ឌលសីមា ក្រោមអធិបតី លោក ប៉ែន វណ្ណា តំណាងលោកប្រធានក្រុមប្រឹក្សាស្រុក លោកស្រី រិន សោភាភ័ក្រ្ត អភិបាលរងនៃគណៈអភិបាលស្រុក ព្រមទាំងមានការអញ្ជើញចូលរួម ក្រុមប្រឹក្សាឃុំទាំង៣ ការិយាល័យជំនាញរដ្ឋបាលស្រុក និង អ្នកពាក់ព័ន្ធជុំវិញស្រុក ក្នុងគោលបំណងដូចខាងក្រោម៖
១.ផ្សព្វផ្សាយគោលការណ៍ណែនាំស្តីពីដំណើរការរៀបចំកម្មវិធីវិយោគ៣ឆ្នាំរំកិល២០២២-២០២៤
២.បណ្តុះបណ្តាលបំពេញបន្ថែមសេចក្តីណែនាំបច្ចេកទេសការងាររៀបចំកម្មវិធីវិយោគ៣ឆ្នាំរំកិល
៣.ពង្រឹងសមត្ថភាពដល់មន្រ្តីជំនាញជុំវិញស្រុក និងក្រុមប្រឹក្សាឃុំ ស្មៀនឃុំ
៤.គាំទ្របច្ចេកទេសក្នុងការប្រមូលធាតុចូលរៀបចំកម្មវិធីវិយោគថ្នាក់ក្រោមជាតិ។
