ថ្ងៃពុធ ៨កេីត ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ ខែឧសភា ឆ្នាំ២០២១ សាលប្រជុំរដ្ឋបាលស្រុកបូទុមសាគរ
ទីចាត់ការផែនការ និងវិនិយោគ សហការជាមួយ មន្ទីរផែនការខេត្ត បានរៀបចំវគ្គផ្សព្វផ្សាយសេចក្តីណែនាំ ស្តីពីដំណើរការចាប់ផ្តើមរៀបចំ និងកសាងកម្មវិធីវិនិយោគបីឆ្នាំរំកិល(២០២២-២០២៤) របស់រដ្ឋបាលក្រុង/ស្រុក និងឃុំ/សង្កាត់ ទូទាំងខេត្តកោះកុង នៅស្រុកបូទុមសាគរ ក្រោមអធិបតីភាព លោកស្រី គ្រី សោភណ្ឌ ប្រធានក្រុមប្រឹក្សាស្រុក លោក ហាក់ ឡេង អភិបាលនៃគណៈអភិបាលស្រុក និង លោក អៀត វណ្ណា ប្រធានមន្ទីរផែនការខេត្ត ព្រមទាំងមានការអញ្ជើញចូលរួម ក្រុមប្រឹក្សាឃុំទាំង៤ ការិយាល័យជំនាញរដ្ឋបាលស្រុក កងកំលាំងប្រដាប់អាវុទ្ធទាំង៣ប្រភេទ និងអ្នកពាក់ព័ន្ធជុំវិញស្រុក ក្នុងគោលបំណងដូចខាងក្រោម៖
១.ផ្សព្វផ្សាយគោលការណ៍ណែនាំ ស្តីពីដំណេីរការរៀបចំកម្មវិធីវិនិយោគបីឆ្នាំរំកិល ២០២២-២០២៤
២.បណ្តុះបណ្តាលបំពេញបន្ថែមសេចក្តីណែនាំបច្ចេកទេសការងាររៀបចំកម្មវិធីវិយោគ៣ឆ្នាំរំកិល
៣.ពង្រឹងសមត្ថភាពដល់មន្រ្តីជំនាញជុំវិញស្រុក ក្រុមប្រឹក្សាឃុំ និងស្មៀនឃុំ
៤.គាំទ្របច្ចេកទេសក្នុងការប្រមូលធាតុចូលរៀបចំកម្មវិធីវិយោគថ្នាក់ក្រោមជាតិ។
