លោក ស្រេង ហុង អភិបាលរង នៃគណៈអភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំវាយតម្លៃគុណផលការងាររបស់មន្ត្រីរាជការ នៃរដ្ឋបាលខេត្តកោះកុង សម្រាប់ធ្វើការដំឡើងឋានន្តរស័ក្តិ ថ្នាក់ តាមវេនអតីតភាព សម្រាប់ឆ្នាំ២០២១។
លោកអភិបាលរងខេត្ត បានឡើងថា សូមឱ្យនាយក នាយករងរដ្ឋបាល នាយកទីចាត់ការ អង្គភាព និងមន្ត្រីរាជការ ដែលមានការពាក់ព័ន្ធ យកចិត្តទុកដាក់ខ្ពស់ ក្នុងការពិនិត្យលើការស្នើសូមដំឡើងថ្នាក់តាមវេន និងស្នើសូមដំឡើងឋានន្តរស័ក្តិ ប្រចាំឆ្នាំ សម្រាប់ឆ្នាំ២០២១ ជាមួយនឹងការពិនិត្យឡើងវិញសម្រាប់ការបែងចែកប្រាក់រង្វាន់លើកទឹកចិត្ត ដែលបានមកពីការផ្តល់សេវារដ្ឋបាលសម្រាប់ឧបត្ថម្ភ ជូនមន្ត្រី បុគ្គលិកនៃរដ្ឋបាលខេត្តកោះកុង ចាប់ពីខែកញ្ញា ដល់ខែធ្នូ ឆ្នាំ២០២០ ដោយឡែកត្រូវពង្រឹងវត្តមានរបស់មន្ត្រីរាជការរបស់ទីចាត់ការ អង្គភាព ដោយផ្អែកតាមច្បាប់សហលក្ខន្តិកៈមន្រ្តីរាជការស៊ីវិល ឱ្យបានខ្ជាប់ខ្ជួន។ មួយវិញទៀតសេចក្តីសម្រេច ស្តីពីការប្រគល់សិទ្ធិចុះហត្ថលេខា និងទទួលភារកិច្ចត្រួតពិនិត្យឯកសារ ជូនលោកអភិបាលរងខេត្តកោះកុង ពិនិត្យ និងចុះហត្ថលេខាលើរបាយការណ៍ ព្រមទាំងការប្រគល់ភារកិច្ច ជូនលោកនាយករដ្ឋបាល លោក លោកស្រី នាយករងរដ្ឋបាលសាលាខេត្តកោះកុង ឱ្យទទួលត្រួតពិនិត្យឯកសារ៕
