ថ្ងៃអង្គារ ១រោច ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ ខែមេសា ឆ្នាំ២០២១

កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ប្រចាំខេត្តកោះកុង បានចុះសម្របសម្រួល ការចងក្រងបណ្តុំអាជីវកម្ម និងរៀបចំរចនាសម្ព័ន្ធគ្រប់គ្រង សម្រាប់បណ្តុំអាជីវកម្មត្រីអណ្តែង នៅភូមិកណ្តោល ឃុំកណ្តោល ស្រុកបូទុមសាគរ ខេត្តកោះកុង។ កិច្ចដំណើរការនេះដឹកនាំដោយលោក សេង ប៊ុណ្ណា នាយរងខណ្ឌរដ្ឋបាលជលផលកោះកុង និងមន្ត្រីខណ្ឌ ០១រូប ព្រមទាំងផ្តល់កិច្ចសហការចូលរួមពីលោកមេឃុំកណ្តោល លោកមេភូមិ និងកសិករសក្តានុពលចិញ្ចឹមត្រីអណ្តែង ក្នុងឃុំកណ្តោល សរុប៣០នាក់ ស្រី១១នាក់។

ជាលទ្ធផលក្រុមការងារអនុកម្មវិធី ASPIRE ខេត្តកោះកុង បានសម្របសម្រួលចងក្រងបណ្តុំអាជីវកម្មត្រីអណ្តែង ចំនួន ០១បណ្តុំ ដែលមានសមាជិកចូលរួមចំនួន ២៥នាក់ ស្ត្រីតំណាងគ្រួសារ ចំនួន ១១នាក់ និងជ្រើសរើសគណៈកម្មការគ្រប់គ្រងចំនួន ០៣រូប តាមរយៈការបោះឆ្នោត ដែលមានរាយនាមដូចខាងក្រោម៖

១. លោក ទិត្យ គុណ ប្រធានគណកម្មការ

២. លោកស្រី ហឿង អន  អនុប្រធានគណកម្មការ

៣. លោកស្រី ឡុង ណាំង រដ្ឋបាល និងហិរញ្ញិក ។

សម្រាប់ទិសដៅ ៖

បន្តចុះប្រមូលទិន្នន័យគ្រួសារបណ្តុំ បញ្ចូលក្នុងប្រព័ន្ធ MIS។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង