រដ្ឋបាលខេត្តកោះកុង

ថ្ងៃច័ន្ទ ៨កើត ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹងថ្ងៃទី១៩ ខែមេសា ឆ្នាំ២០២១

នាយរងផ្នែករដ្ឋបាលជលផលបូទុមសាគរ ចំនួន ០១រូប សហការជាមួយសហគមន៍នេសាទព្រះអង្គកែវ ចំនួន ០៣រូប និងកងរាជឣាវុធហត្ថស្រុកស្រែឣំបិល ចំនួន ០១រូប ចេញល្បាតតាមប្រព័ន្ធព្រែកស្រែឣំបិល ចំណុចព្រែកព្រះអង្គកែវ ពាមតាំង ស្ថិតក្នុងឃុំដងពែង ស្រុកស្រែអំបិល ខេត្តកោះកុង បានជួបប្រទះបទល្មើសជលផល លបកន្ទុយកណ្តុរ ឬលបប្រើស ១០០ ឬលបពោះវៀនជ្រូក ចំនួន ១០ខ្សែ ប្រវែង ៨០ម៉ែត្រ ដែលជាប្រភេទបទល្មើសជលផល នេសាទដោយឪបករណ៍នេសាទដែលគ្មានកំណត់ក្នុងប្រកាសរបស់ក្រសួងកសិកម្ម រុក្ខាប្រមាញ់ និងនេសាទ ហើយបានដកហូត និងដុតបំផ្លាញចោល។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង