លោកស្រី អ៊ិន សុភី អភិបាលរងស្រុកកោះកុង បានដឹកនាំក្រុមការងារចុះពិនិត្យទីតាំង និងវាយតម្លៃលើការស្នើសុំបើកសេវាថែទាំអ្នកជម្ងឺចំនួន ០២កន្លែង នៅភូមិ១(ឡាំដាំ) ឃុំកោះកាពិ ស្រុកកោះកុង ខេត្តកោះកុង
ស្រុកកោះកុង ៖ នៅព្រឹកថ្ងៃអង្គារ ២ កើត ខែពិសាខ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៣ ខែមេសា ឆ្នាំ២០២១ ដោយមានការចាត់តាំងពីលោកអភិបាល នៃគណៈអភិបាលស្រុក លោកស្រី អ៊ិន សុភី អភិបាលរងស្រុកកោះកុង បានដឹកនាំក្រុមការងារចុះពិនិត្យទីតាំង និងវាយតម្លៃលើការស្នើសុំបើកសេវាថែទាំអ្នកជម្ងឺ ចំនួន ០២កន្លែង ដែលទីតាំងទី១មានឈ្មោះ គិត ឆន ភេទប្រុស និងទីតាំងទី២ វ៉ាត់ សុវង្ស ភេទស្រី ស្ថិតនៅភូមិ១(ឡាំដាំ) ឃុំកោះកាពិ ស្រុកកោះកុង ខេត្តកោះកុង។
ក្រោយការពិនិត្យ និងវាយតម្លៃឃើញថាទីតាំងទាំង០២ខាងលើអាចដំណើរការផ្តល់សេវាត្រឹមត្រូវតាមលក្ខណ:បច្ចេកទេសរបស់ក្រសួងសុខាភិបាលបាន៨៥ភាគរយ នៅខ្វះខាតចំនុចតិចតួច ហើយលោកស្រីអភិបាលរង ក៏បានណែនាំបន្ថែមឲ្យគាត់បំពេញនូវការខ្វះចន្លោះនោះបន្ថែមទៀតនៅពេលក្រោយ។ ជាមួយគ្នានោះម្ចាស់ទីតាំងទាំង០២ បានយល់ព្រមបំពេញបន្ថែមនូវចំនុចខ្វះខាតទាំងនោះ តាមការណែនាំរបស់លោកស្រីផងដែរ។
