ក្រុមការងាររៀបចំចាត់ចែងឈាបនដ្ឋានបូជាសពស្លាប់ដោយជំងឺកូវីដ-១៩ ដឹកនាំដោយលោក ឃឹម ច័ន្ទឌី អភិបាលរង នៃគណៈអភិបាលខេត្តកោះកុង និងជាប្រធានក្រុមការងារ និងអាជ្ញាធរស្រុក ឃុំ បានចុះទៅពិនិត្យឈាបនដ្ឋាន ដែលមានស្រាប់ នៅវត្តមាគា៌គិរីស្រែអំបិល (ហៅវត្តស្រែអំបិល) ស្ថិតក្នុងឃុំស្រែអំបិល ស្រុកស្រែអំបិល ដើម្បីរៀបចំជួសជុលឱ្យដំណើរការឡើងវិញ និងបន្តចុះទៅពិនិត្យទីតាំង ដើម្បីសាងសង់ឈាបនដ្ឋានថ្មី នៅក្នុងបរិវេណវត្តពុទ្ធជ័យសិរីបុព្វតារាម (ហៅវត្តស្ទឹងពង្រូល) ស្ថិតក្នុងឃុំដងពែង ស្រុកស្រែអំបិល ដើម្បីត្រៀមលក្ខណៈសម្រាប់បូជាសព អ្នកដែលស្លាប់ដោយសារជំងឺកូវីដ-១៩៕
