អាជ្ញាធរស្រុកបុទុមសាគរ អន្តរាគមន៍ជួយសង្គ្រោះប្រជាពលរដ្ឋ ដែលរងគ្រោះបណ្តាលមកពីខ្យល់កន្ត្រាក់បោកបក់នាំឲ្យខូចខាតផ្ទះប្រជាពលរដ្ឋអស់ចំនួន១៧ខ្នង នៅស្រុកបុទុមសាគរ ខេត្តកោះកុង។ គ្រោះធម្មជាតិបណ្តោយឱ្យខូចខាតលំនៅដ្ឋាន និងមានពលរដ្ឋម្នាក់រងរបួសនេះកើតឡើងនៅវេលាម៉ោង១១យប់ថ្ងៃទី៦ ខែមេសា ២០២១ ស្ថិតនៅក្នុងភូមិតាមាឃ ឃុំអណ្ដូងទឹក ស្រុកបុទុមសាគរ។
០៧/មេសា/២០២១
LInk: https://www.kampucheathmey.com/local-news/97761/
————————–
អាជ្ញាធរស្រុកបុទុមសាគរ អន្តរាគមន៍ជួយសង្គ្រោះប្រជាពលរដ្ឋ ដែលរងគ្រោះបណ្តាលមកពីខ្យល់កន្ត្រាក់បោកបក់នាំឲ្យខូចខាតផ្ទះប្រជាពលរដ្ឋអស់ចំនួន១៧ខ្នង នៅស្រុកបុទុមសាគរ ខេត្តកោះកុង។ គ្រោះធម្មជាតិបណ្តោយឱ្យខូចខាតលំនៅដ្ឋាន និងមានពលរដ្ឋម្នាក់រងរបួសនេះកើតឡើងនៅវេលាម៉ោង១១យប់ថ្ងៃទី៦ ខែមេសា ២០២១ ស្ថិតនៅក្នុងភូមិតាមាឃ ឃុំអណ្ដូងទឹក ស្រុកបុទុមសាគរ។
បន្ទាប់ពីទទួលដំណឹងពីគ្រោះមហន្តរាយខ្យល់កន្ត្រាក់នេះភ្លាម លោក ហាក់ ឡេង អភិបាលស្រុកបុទុមសាគរ ព្រឹកថ្ងៃទី០៧ ខែមេសានេះ បានដឹកនាំក្រុមការងារអនុសាខាកាកបាទក្រហមកម្ពុជាស្រុកនាំយកជំនួយឧបត្តម្ភមនុស្សធម៌ចែកជូនក្រុមពលរដ្ឋរងគ្រោះទាំង១៧ខ្នងផ្ទះ ដែលរងខូចខាតព្រោះតែអំណាយខ្យល់កន្ត្រាក់រដូវប្រាំង។
លោកអភិបាលស្រុកបូទុមសាគរ អរគុណ និងបន្តអំពាវនាវដល់ប្រជាពលរដ្ឋរងគ្រោះដោយខ្យល់កន្ត្រាក់ នៅមូលដ្ឋានខាងលើនេះ សូមទាក់ទងទៅ អាជ្ញាធរមូលដ្ឋាននៅក្នុងស្រុកបុទុមសាគរជាបន្ទាន់ រាល់ករណីជួបគ្រោះអាសន្នដោយប្រការណាមួយបន្ថែមទៀត ដើម្បីឲ្យអាជ្ញាធរភូមិឃុំស្រុក ចុះជួយសង្គ្រោះឲ្យបានទាន់ពេលវេលា។
ទាក់ទិននឹងបញ្ហាជំងឺកូវីឌ១៩ លោក ហាក់ ឡេង ក៏បានណែនាំដល់ពលរដ្ឋ បន្តថែរក្សាអនាម័យ សុខភាពជាប្រចាំ ដោយហេតុថាលំហូរនៃការឆ្លងរាលដាលជំងឺកូវីដ-១៩នៅតែជាក្តីព្រួយបារម្ភរបស់យើងទាំងអស់គ្នា តាមរយៈអនុវត្តតាមវិធាន ៣កុំ ៣កាពារ និង២ចូលរួមជាមួយរាជរដ្ឋាភិបាលកម្ពុជា ក្រសួងសុខាភិបាល រដ្ឋបាលខេត្ត និងស្រុក។
ពលរដ្ឋរស់នៅតាមដៃព្រែកនានាក្នុងខេត្ត ភាគច្រើនងាយរងគ្រោះដោយសារគ្រោះថ្នាក់ធម្មជាតិណាស់អំឡុងពេលរដូវវស្សា ដូច្នេះលោកអភិបាលស្រុក នៅតែទាមទារឱ្យបងប្អូនប្រជាពលរដ្ឋទាំងអស់បង្កើនការប្រុងប្រយ័ត្នជាប់ជានិច្ច៕
ប្រភពៈរដ្ឋបាលស្រុកបូទុមសាគរ
————————–
ឈុន ឃៀន, [07.04.21 09:12]
ថ្ងៃពុធ ១០ រោច ខែចេត្រ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៧ ខែមេសា ឆ្នាំ២០២១
April 7, 2021
ទិវាសុខភាពពិភពលោក (World Health Day)
