រដ្ឋបាលខេត្តកោះកុង

ស្រុកកោះកុង ៖ នៅព្រឹកថ្ងៃអង្គារ ៩ រោច ខែចេត្រ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៦ ខែមេសា ឆ្នាំ២០២១ យោងតាមលិខិតជូនដំណឹងរបស់​រដ្ឋបាល​ខេត្តកោះកុង ស្តីពី ការអនុញ្ញាតឱ្យបុគ្គលិក ០៣នាក់ ចូលទៅកាន់ Tatai Resort ខេត្តកោះកុងនិងតាមការចាត់តាំងរបស់លោកអភិបាលស្រុកកោះកុង លោក សុខ ភិរម្យ អភិបាលរង នៃគណៈអភិបាលស្រុកកោះកុង​ បានដឹកនាំ​ក្រុមការងារថ្នាក់ស្រុក និងឃុំតាតៃក្រោម សហការជាមួយ​ក្រុមការងារ​មន្ទីរ​សុខាភិបាល​ខេត្ត​ ចុះត្រួតពិនិត្យ​តាមដាន​យកកម្តៅជនជាតិចិនចំនួន ០៣នាក់ (ប្រពន្ធនិងកូន) ដែលជាបុគ្គលិកក្រុមហ៊ុនយូញៀន ឌីវេឡុបមេន ក្រុម ខូ អិលធីឌី ចូលមក Tatai Resort តាមឧទ្ធម្ភាគចក្រ(Airbus​EC135P2+SNO6B0) ដែលបានមកដល់តាតៃរីសត ហើយក្រុមការងារបានអនុវត្តភារកិច្ចតាមការណែនាំ និងបានណែនាំដល់ពួកគាត់ក្នុងការអនុវត្តនូវវិធានសុខាភិបាល និងយន្តការចត្តាឡីស័ក នៅក្នុងបរិវេណសណ្ឋាគារដែលគាត់រស់នៅតាមការរៀបចំរបស់ក្រុមការងារ នៅក្នុង​ភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង​។​