លោក ឃឹម ច័ន្ទឌី អភិបាលរង នៃគណៈអភិបាលខេត្តកោះកុង និងជាប្រធានក្រុមការងាររៀបចំបែងចែកឈាបនដ្ឋានបូជាសពដែលស្លាប់ដោយជម្ងឺកូវីដ-១៩ របស់រដ្ឋបាលខេត្តកោះកុង បានដឹកនាំកិច្ចប្រជុំក្រុមការងារផ្ដោតទៅលើ÷
-ទី១ សិក្សាស្វែងរកទីតាំងដីសម្រាប់សាងសង់ឈាបនដ្ឋានបូជាសព រៀបចំ និងសម្អាតជួសជុលកែលំអរឈាបនដ្ឋានដែលមានស្រាប់ នៅតាមទីវត្តអារាមឲ្យបានសមរម្យ។
-ទី២ រៀបចំបច្ចេកទេសរុំទុកដាក់សព និងដឹកជញ្ជូនទៅកាន់ឈាបនដ្ឋាន ដើម្បីបូជា។
លទ្ធផលនៃអង្គប្រជុំនៅថ្ងៃនេះ :
*របៀបវារៈទី១ ស្ដីពីការកសាងឈាបនដ្ឋានថ្មី និងការជួសជុល សម្អាត ឈាបនដ្ឋាន ដែលមានស្រាប់នៅតាមទីវត្តអារាម។ អង្គប្រជុំបានសម្រេចយកទីតាំងចំនួនពីរកន្លែងក្រុងខេមរភូមិន្ទ និងស្រុកស្រែអំបិល ដើម្បីទុកសម្រាប់បូជាអ្នកដែលបានស្លាប់ពីជំងឺកូវីដ-១៩។
-ទីមួយ ស្រុកសម្រាប់ស្រុកស្រែអំបិល នឹងត្រូវសាងសង់ឈាបនដ្ឋានថ្មី ដែលស្ថិតនៅក្នុងបរិវេណវត្តគិតក្នុងវត្តស្ទឹងពង្រូល ស្ថិតក្នុងភូមិភូមិព្រះអង្គកែវ ឃុំដងពែង ស្រុកស្រែអំបិល ប្រមាណ១០គីឡូម៉ែត្រពីប្រជុំជនស្រុក។
-ទីពីរ សម្រាប់ក្នុងខេត្តកោះកុង នឹងត្រូវធ្វើការជួសជុលឈាបនដ្ឋាន ដែលមានស្រាប់នៅក្នុងវត្តសម្រាប់ប្រើបណ្ដោះអាសន្ន និងកំពុងសិក្សារកទីតាំងដីសម្រាប់យកមកប្រើប្រាស់ក្នុងការកសាងឈាបនដ្ឋានថ្មី។
*របៀបវារៈទី២ រៀបចំបច្ចេកទេសរុំទុកដាក់សព និងដឹកជញ្ជូនទៅឈាបនដ្ឋាន ដើម្បីបូជាអង្គប្រជុំបានប្រគល់ភារកិច្ច និងតួនាទីទៅឱ្យមន្ទីរសុខាភិបាលខេត្ត និងមន្ទីពេទ្យខេត្តកោះកុងជាអ្នករៀបចំ៕
