ស្រុកកោះកុង ៖នៅព្រឹកថ្ងៃសៅរ៍ ១៤ កើត ខែចេត្រ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៧ ខែមីនា ឆ្នាំ២០២១ ដោយមានការចាត់តាំងពីលោកអភិបាល នៃគណៈអភិបាលស្រុកកោះកុង លោក សុខ ភិរម្យ អភិបាលរង នៃគណៈអភិបាលស្រុកកោះកុង តំណាងឱ្យលោកអភិបាល នៃគណៈអភិបាលស្រុកកោះកុង អញ្ជើញចូលរួមសកម្មភាពវាយជួង វាយគង នៅវត្តពោធិរាម ហៅវត្តតាតៃក្រោម ស្ថិតនៅក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង ដោយមានការចូលរួមពី ព្រះចៅអធិការវត្ត និងព្រះសង្ឃ ០៤អង្គ លោក អ៊ូច ទូច ប្រធានធម្មការនិងសាសនាខេត្ត និងសហការី ០២នាក់ សរុប ចំនួន០៧អង្គ/នាក់ ជាការដាស់តឿននិងប្រកាសអាសន្ន ដល់ប្រជាពលរដ្ឋក្នុងសហគមន៍ ចូលរួមទប់ស្កាត់និងការពារការរីករាលដាលឆ្លងក្នុងសហគមន៍នៃជំងឺកូវីដ19 តាមការណែនាំរបស់រាជរដ្ឋាភិបាល និងក្រសួងធម្មការនិងសាសនា។
