អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ខេត្តកោះកុងប្រជុំពិនិត្យសម្រេចលើទិន្នន័យមន្ត្រីរាជការ និងមន្ត្រីជាប់កិច្ចសន្យាសម្រាប់ផែនការចាក់វ៉ាក់សាំងកូវីដ-១៩ នៅខេត្តកោះកុង

ខេត្តកោះកុង៖ លោក ទូ សាវុធ អភិបាលរងខេត្ត តំណាងដ៏ខ្ពង់ខ្ពស់ លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានដឹកនាំកិច្ចប្រជុំពិនិត្យសម្រេចលើទិន្នន័យមន្ត្រីរាជការ និងមន្ត្រីជាប់កិច្ចសន្យា ដែលបានដល់មកពីតាមបណ្ដារដ្ឋបាលក្រុង ស្រុក និងមន្ទីរ-អង្គភាពជុំវិញខេត្តកោះកុង ដើម្បីដាក់ជូនគណៈកម្មការចំពោះកិច្ចចាក់វ៉ាក់សាំង covid 19 ក្នុងក្របខ័ណ្ឌទូទាំងប្រទេសឲ្យបានទាន់ពេលវេលា និងមានប្រសិទ្ធភាពខ្ពស់។

លោកអភិបាលរងខេត្តបានថ្លែងអំណរគុណដល់រដ្ឋបាលក្រុង ស្រុក និងមន្ទីរ-អង្គភាពទាំងអស់ ដែលបានផ្ដល់កិច្ចសហការល្អធ្វើឱ្យការរៀបចំប្រព្រឹត្តទៅបានល្អ និងទាន់ពេលវេលា។ លោកបន្តថា ចំពោះអង្គភាពដែលពុំទាន់បានផ្ត់ទិន្នន័យពេញលេញ ត្រូវខិតខំបំពេញចំណុចខ្វះខាត។