លោក សាង ស៊ីណេត អភិបាលរងស្រុក បានដឹកនាំក្រុមការងារស្រុក ឃុំ សហការជាមួយក្រុមការងារស្រាវជ្រាវបុគ្គល និងទីតាំង ចំណុះក្រុមការងារស្រាវជ្រាវ និងតាមដានបុគ្គលដែលសង្ស័យថាមានផ្ទុកជំងឺកូវីដ-១៩ របស់រដ្ឋបាលខេត្ត បានចុះពិនិត្យទីតាំងចត្តាឡីស័ក(មណ្ឌល១) ក្នុងក្រុមហ៊ុនញ៉ូញៀន ឌីវេលឡុបមែន គ្រុប ខូអិលធីឌី ស្ថិតក្នុងស្រុកបូទុមសាគរ និងស្រុកគិរីសាគរ
២៥/មីនា /២០២១ វេលាម៉ោង ១១:១០នាទីព្រឹក
==========================
លោក សាង ស៊ីណេត អភិបាលរងស្រុក បានដឹកនាំក្រុមការងារស្រុក ឃុំ សហការជាមួយក្រុមការងារស្រាវជ្រាវបុគ្គល និងទីតាំងចំណុះក្រុមការងារស្រាវជ្រាវ និងតាមដានបុគ្គលដែលសង្ស័យថាមានផ្ទុកជំងឺកូវីដ-១៩ របស់រដ្ឋបាលខេត្ត បានចុះពិនិត្យទីតាំងចត្តាឡីស័ក(មណ្ឌល១) ក្នុងក្រុមហ៊ុនញ៉ូញៀន ឌីវេលឡុបមែន គ្រុប ខូអិលធីឌី ស្ថិតក្នុងស្រុកបូទុមសាគរ និងស្រុកគិរីសាគរព្រមទាំងបានយកក្មេងស្រីម្នាក់មកធ្វើចត្តាឡីស័ក និងយកសំណាកនៅផ្ទះវិញ តាមការស្នើសុំរបស់សាម៉ីខ្លួន និងក្រុមគ្រួសារ នៅភូមិទួលពោធិ៍ ឃុំតានូន ។
បន្ទាប់មកក្រុមការងារបានចុះពិនិត្យទីតាំងចំនួន ៥ទីតាំង ដែលបាននឹងកំពុងធ្វើចក្តាឡីស័ក និងបានធ្វើចក្តាឡីស័ករួច ដែល មានទីតាំងក្នុងមណ្ឌលចត្តាឡីស័ក(មណ្ឌល១) ក្នុងក្រុមហ៊ុនញ៉ូញៀន ឌីវេលឡុបមែន គ្រុប ខូអិលធីឌី ស្ថិតក្នុងស្រុកបូទុមសាគរ និងស្រុកគិរីសាគររួមមាន÷
១.ទីតាំងគម្រាងអភិវឌ្ឍន៍ឈូងសមុទ្រវែង
២.ទីតាំងអគារស្នាក់នៅរបស់កម្មករ ក្នុងគម្រោងឈូងសមុទ្រវែង
៣.ទីតាំងសណ្ឋាគារបូទិកតារាសាគរ
៤.ទីតាំងអគារស្នាក់នៅរបស់កម្មករ ក្នុងគម្រោងអាកាសយានដ្ឋាន
៥.ទីតាំងអាកាសយានដ្ឋាន
ជាលទ្ធផលបឋម មានទីតាំងចំនួន ០៤ទីតាំង ដែលបានធ្វើចក្តាឡីស័ក និងយកសំណាកចំនួន ០២លើកចំពោះអ្នកពាក់ព័ន្ធ ដោយទទួលលទ្ធផលអវិជ្ជមានទាំងអស់។ ចំពោះលទ្ធផលខាងលើនេះ គឺបានផ្តល់នូវទល្ហីករណ៍យ៉ាងសំខាន់ចំពោះក្រុមការងារធ្វើសេចក្តីរាយការណ៍ជូនថ្នាក់ដឹកនាំ ក្នុងការពិនិត្យលទ្ធភាពបង្រួមដែនចត្តាឡីស័ក ចំពោះទីតាំងដែលមិនពាក់ព័ន្ធនានា៕
ប្រភពៈរដ្ឋបាលស្រុកបូទុមសាគរ
========================
ថ្ងៃព្រហស្បតិ៍ ១២ កើត ខែចេត្រ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី២៥ ខែមីនា ឆ្នាំ២០២១
March 25, 2021
