លោក ហាក់ ឡេង ប្រធានអនុសាខាកាកបាទក្រហមកម្ពុជាស្រុកបូទុមសាគរ បានចាត់លោក នៅ វុទ្ធីសមាជិកអនុសាខា ដឹកនាំក្រុមការងារនិង សហការជាមួយអាជ្ញាធរភូមិ-ឃុំ ចុះសួរសុខទុក្ខ និង រំលែកទុក្ខដល់គ្រួសារសពលោកស្រីសោម ឌី អាយុ ៥២ឆ្នាំ ដែលបានមរណភាពដោយរោគាពាធ ដែលរស់នៅភូមិជីមាល
២២/មីនា/ ២០២១ វេលាម៉ោង ៣:៣០នាទីរសៀល
========================
លោក ហាក់ ឡេង ប្រធានអនុសាខាកាកបាទក្រហមកម្ពុជាស្រុកបូទុមសាគរ បានចាត់លោក នៅ វុទ្ធីសមាជិកអនុសាខា ដឹកនាំក្រុមការងារនិង សហការជាមួយអាជ្ញាធរភូមិ-ឃុំ ចុះសួរសុខទុក្ខ និង រំលែកទុក្ខដល់គ្រួសារសពលោកស្រីសោម ឌី អាយុ ៥២ឆ្នាំដែលបានមរណភាពដោយរោគាពាធ ដែលរស់នៅភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង។
ក្នុងឱកាសនោះ លោក នៅ វុទ្ធី សមាជិកអនុសាខាកាកបាទក្រហមកម្ពុជា ស្រុកបូទុមសាគរ និងក្រុមការងារ បានពាំនាំប្រសាសន៍ចូលរួមរំលែកទុក្ខដ៏ក្រៀមក្រំនេះពីលោក ហាក់ ឡេង ប្រធានគណៈកម្មាធិការអនុសាខា លោកជំទាវ មិថុនា ភូថង ប្រធានគណៈកម្មាធិការសាខា ឯកឧត្តម ប៊ុន លើត ប្រធានកិត្តិយសាខា ពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើក្តីអាណិតអាសូរ និងការសោកស្តាយយ៉ាងក្រៃលែង ដែលកើតឡើងចំពោះគ្រួសារសព ដែលបានបាត់បង់មនុស្ស ជាទីស្រឡាញ់ ។ ក្រុមការងារទាំងអស់សូមបួងសួងដល់ដួងវិញ្ញាណក័ន្ធ
លោក បានទៅកាន់ដល់សុគតិភពកុំបីឃ្លៀងឃ្លាតឡើយ។
ជាមួយគ្នានេះ ក្រុមការងារ បានផ្តាំផ្ញើដល់ក្រុមគ្រួសារសព និងលើកទឹកចិត្តឱ្យថែទាំសុខភាព ឱ្យបានល្អ រក្សាអនាម័យក្នុងការរស់នៅ ជាពិសេសត្រូវមានស្មារតីរឹងប៉ឹង ត្រូវខិតខំតស៊ូ ដើម្បីប្រកបរបរចិញ្ចឹម ជីវិតរស់នៅបន្តទៅមុខទៀត ។
ទន្ទឹមនឹងនេះ ក្រុមការងារ ក៏បានអំពាវនាវដល់ប្រជាពលរដ្ឋទាំងអស់ ពិសេស ចាស់ជរា កុមារតូចៗ មានស្មារតីប្រុងប្រយ័ត្នខ្ពស់ និងចូលរួមទប់ស្កាត់ជំងឺកូវីដ-១៩ ចូលរួមអនុវត្តច្បាប់ចរាចរណ៍ផ្លូវគោកឱ្យបានខ្ជាប់ខ្ជួន ដើម្បីសេចក្តីសុខ និងសុភមង្គលក្នុងក្រុមគ្រួសារ។
សម្ភារដែលអនុសាខាចូលរួមរំលែកទុក្ខដល់គ្រួសារសពមាន៖ អង្ករ ២៥គីឡូក្រាម មី៣០កញ្ចប់ ត្រីខ១ឡូគ្រឿងឧបភោគបរិភោគ០១កញ្ចប់ និងថវិកា១០០.០០០រៀល ។ដោយឡែកថវិកា ឃុំអណ្តូងទឹក ចំនួន១០០,០០០ រៀលផងដែរ ។
ប្រភពៈ អនុសាខាកាកបាទក្រហមស្រុកបូទុមសាគរ
============================
ថ្ងៃចន្ទ ៩ កើត ខែចេត្រ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី២២ ខែមីនា ឆ្នាំ២០២១
March 22, 2021
ទិវាពិភពលោកទឹក និងឧតុនិយម (World Water and World Meteorological Day)
