លោក អ៊ឹង បឺត សមាជិកក្រុមងារព័ត៌មានវិទ្យាថ្នាក់ស្រុក បានចុះរៀបចំ និងផ្សព្វផ្សាយ QR Code ដើម្បីចូលរួមទប់ស្កាត់ការរីករាលដាលជំងឺកូវីដ-១៩ នៅគោលដៅត្រួតពិនិត្យក្នុងឃុំត្រពាំងរូង ស្រុកកោះកុង
ស្រុកកោះកុង ៖ ព្រឹកថ្ងៃអាទិត្យ ១កើត ខែចេត្រ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី១៤ ខែមីនា ឆ្នាំ២០២១ ក្រោមការចាត់តាំងរបស់លោក ជា សូវីអភិបាល នៃគណៈអភិបាលស្រុកកោះកុង ជាពិសេសតាមគោលការណ៍ណែនាំ និងការយកចិត្តទុកដាក់ពីលោកជំទាវអភិបាលខេត្ត លោក អ៊ឹង បឺត ប្រធានការិយាល័យផែនការនិងគាំទ្រឃុំ-សង្កាត់ និងជាសមាជិកក្រុមងារព័ត៌មានវិទ្យាថ្នាក់ស្រុក បានចុះរៀបចំ និងផ្សព្វផ្សាយ QR Code ដើម្បីចូលរួមទប់ស្កាត់ការរីករាលដាលជំងឺកូវីដ-១៩ ដល់អធិការដ្ឋាននគរបាលស្រុកកោះកុង ក្នុងគោលដៅត្រួតពិនិត្យក្នុងឃុំត្រពាំងរូង របស់គណៈកម្មាការអន្តរក្រសួងប្រយុទ្ធនឹងជំងឺកូវីដ-១៩ ជាមួយគ្នានេះផងដែរ ជួសមុខឱ្យក្រុមការងារថ្នាក់ស្រុក លោកក៏បានសំណូមពរដល់កម្លាំងគោលដៅនៃអធិការដ្ឋាននគរបាលស្រុកកោះកុង បន្តរៀបចំ និងផ្សព្វផ្សាយនៃការចូលរួមស្កេន QR Code ដល់អ្នកដែលធ្វើដំណើរមកកាន់ខេត្តកោះកុង ។
ស្កេន QR Code ដើម្បីការពារអ្នក និងមនុស្សជាទីស្រលាញ់ ។
ប្រភព ៖ ហេ្វសប៊ុក Oeng Bert
