ថ្ងៃព្រហស្បតិ៍ ១៤រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១១ ខែកុម្ភ: ឆ្នាំ២០២១ វេលាម៉ោង ៨.៤៥នាទីព្រឹក លោកអភិបាលស្រុក បានចាត់តាំងលោក ប៉ែន សុផាត នាយករដ្ឋបាលសាលាស្រុកមណ្ឌលសីមា និងប្រធានការិយាល័យផែនការនិងគាំទ្រឃុំសង្កាត់ស្រុក សហការជាមួយក្រុមការងារបច្ចេកទេសខេត្ត មេភូមិនិងឃុំ ចុះពិនិត្យទីតាំងគម្រោងសាងសង់ផ្លូវបេតុងអាមេ(គម្រោងខេត្តឆ្នាំ២០២១) ចំនួន ០៣ ខ្សែរដូចខាងក្រោម÷
ក-គម្រោងសាងសង់ផ្លូវបេតុងអាមេ ប្រវែង ៣៥០ ម៉ែត្រx៧ ម៉ែត្រ និងកម្រាស់ ០,១៥ ម៉ែត្រ តភ្ជាប់ពីរង្វង់មូលព្រះបាទជ័យវរ្ម័នទី៧ ទៅភូមិនាងកុកចាស់ ស្ថិតនៅភូមិនាងកុក ឃុំប៉ាក់ខ្លង ។
ខ-គម្រោងសាងសង់ផ្លូវបេតុងអាមេ ប្រវែង ៦១០ ម៉ែត្រ x ៦ ម៉ែត្រ និងកម្រាស់ ០,១៥ ម៉ែត្រ តភ្ជាប់ពីផ្លូវជាតិ លេខ៤៨ទៅកាន់មណ្ឌលសុខភាពនាងកុក ដែលទើបនិងសាងសង់ថ្មី ស្ថិតនៅភូមិនាងកុក ឃុំប៉ាក់ខ្លង
គ-គម្រោងសាងសង់ផ្លូវបេតុងអាមេប្រវែង ២១៥ ម៉ែត្រ x ៦ ម៉ែត្រ និងកម្រាស់ ០,១៥ ម៉ែត្រ តភ្ជាប់ពីផ្លូវកៅស៊ូខេត្ត ទៅកាន់សាលាបឋមសិក្សាកោះកាង ស្ថិតនៅភូមិពាមក្រសោប១ ឃុំពាមក្រសោប ។
*ជំនួសមុខឲ្យប្រជាពលរដ្ឋស្រុកមណ្ឌលសីមាទាំងមូល សូមថែ្លងអំណរអគុណយ៉ាងជ្រាវជ្រៅបំផុត ចំពោះលោកជំទាវអភិបាលខេត្ត និងឯកឧត្តមប្រធានក្រុមប្រឹក្សាខេត្តកោះកុង ដែលបានឆ្លើយតបតាមសំណូមពររបស់ប្រជាពលរដ្ឋដែលបានលើកឡើងក្នុងវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តកាលពីឆ្នាំ២០២០កន្លងទៅ ។ ក្នុងឪកាសពិធីបុណ្យចូលឆ្នាំថ្មីប្រពៃណីចិន-វៀតណាមឆ្នាំ២០២១នេះ រដ្ឋបាលស្រុកមណ្ឌលសីមា សូមគោរពជូន លោកជំទាវអភិបាលនៃគណ:អភិបាល ខេត្ត ព្រមទាំងក្រុមគ្រួសារ និងឯកឧត្តមប្រធានក្រុមប្រឹក្សាខេត្តកោះកុង និងក្រុមគ្រួសារ ជួបប្រទះតែនឹងពុទ្ធរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។ ????????????
