រដ្ឋបាលខេត្តកោះកុង

ស្រុកកោះកុង ៖ នៅរសៀលថ្ងៃពុធ ១៣ រោច ខែមាឃ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១ លោកស្រី អ៊ិន សុភីអភិបាលរងស្រុក តំណាងលោកអភិបាលស្រុកកោះកុង ជួបពិភាក្សាជាមួយអង្គការដៃគូរដើម្បីស្វែងយល់ពីស្ថានភាពភូមិសាស្រ្ត សេដ្ឋកិច្ចសហគមន៍ដែលមានទីស្នាក់ការនៅខេត្តបាត់ដំបង ជាជំនួយពីអាមេរិច អង្គការខាងលើនោះបានមកសិក្សាភូមិសាស្រ្តដែលស្ថិតក្នុងដែនជម្រកពាមក្រសោបដែលមានចំនួន ០៤ភូមិ គឺភូមិកោះស្រឡៅ ភូមិ១ ភូមិ២ នៃឃុំកោះកាពិ និងភូមិកោះអណ្តែត ឃុំតាតៃក្រោម នៃស្រុកកោះកុង ខេត្តកោះកុង។

ក្នុងឱកាសនោះក្នុងផងដែរ លោកស្រី អ៊ិន សុភី អភិបាលរងស្រុក ក៏បានលើកផ្តល់នូវព័ត៌មានដែលអង្គការបានសាកសួរ និងសង្ឃឹមថាអង្គការនឹងមកអនុវត្តគម្រោងក្នុងស្រុកកោះកុងប្រកបដោយប្រសិទ្ធភាព។

សមាសភាពចូលរួមមាន ៖ ប្រធានការិយាល័យសេដ្ឋកិច្ច និងអភិវឌ្ឍសហគមន៍ អនុប្រធានការិយាល័យរដ្ឋបាល និងហិរញ្ញវត្ថ និងតំណាងអង្គការPRD សរុបចំនួន ០៧នាក់ ស្រី ០៣នាក់ នៅសាលប្រជុំសាលាស្រុកកោះកុង។