លោកស្រី អ៊ិន សុភី អភិបាលរងស្រុកកោះកុង អញ្ជើញទទួលស្វាគមន៍សប្បុរសជន ប្រគល់អំណោយសប្បុរសធម៌ដល់សិស្សានុសិស្សនៅឃុំតាតៃក្រោម
ស្រុកកោះកុង ៖ នៅព្រឹកថ្ងៃអង្គារ ១២រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃ៩ ខែកុម្ភៈ ឆ្នាំ២០២១ វេលាម៉ោង ៩:០០ នាទីព្រឹក លោកស្រី អ៊ិន សុភី អភិបាលរង នៃគណៈអភិបាលស្រុកកោះកុង តំណាងលោកអភិបាលស្រុកកោះកុង បានអញ្ជើញចូលរួមជាមួយក្រុមប្រឹក្សាឃុំតាតៃក្រោម ក្នុងការផ្តល់អំណោយសប្បុរសធម៌របស់សប្បុរសជន តាតៃ ម៉ារីណា ( Tatai Seven star resort ) ប្រគល់ជូនដល់សិស្សានុសិស្សា នៃសាលាបឋមសិក្សា និងអនុវិទ្យាល័យតាតៃក្រោម នូវសម្ភារមួយចំនួនដូចជា៖
១-តុការិយាល័យ ចំនួន ១២ តុ
២-កៅអី ចំនួន ១២ កៅអី
៣-ទូដាក់ឯកសារ ចំនួន ០៦ ទូ
៤-តារាងបាល់ទះ ០១
៥-តារាងបាល់ទាត់ ០១
៦-តារាងបាល់បោះ ០១
៧-ម៉ាស៊ីនព្រីនធរ័ កូល័រ ចំនួន ០១ និងបាល់ចំនួន ០៩បាល់។
សមាសភាពចូលរួមមាន៖ អាជ្ញាធរភូមិ-ឃុំ ប៉ុស្តិ៍នរគបាលរដ្ឋបាលឃុំ លោកគ្រូ អ្នកគ្រូ ព្រមទាំងសិស្សានុសិស្ស ចំនួនសរុប ១៥៧ នាក់ ស្រី ៦៤នាក់។
