រាជធានីភ្នំពេញ៖ មន្ត្រីបង្គោល នៃក្រុមការងារវាយតម្លៃទីក្រុងស្អាតនៃខេត្តកោះកុង បានចូលរួមកិច្ចប្រជុំផ្សព្វផ្សាយ ស្តីពីនីតិវិធីនៃចលនាប្រឡងប្រណាំង "ទីក្រុងស្អាត៖ ទីក្រុងដែលអនុវត្តវិធានសុវត្ថិភាពទេសចរណ៍ល្អ" ក្រោមអធិបតីភាព ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ និងជាអគ្គលេខាធិការនៃគណៈកម្មាធិការជាតិវាយតម្លៃទីក្រុងស្អាត នៅសណ្ឋាគារភ្នំពេញ រាជធានីភ្នំពេញ។
ក្រោយពីកិច្ចប្រជុំ ក្រុមការងារនឹងរៀបចំផែនការបន្តដូចខាងក្រោម៖
១. ផ្ញើរបាយការណ៍ដែលនៅសេសសល់ឲ្យបានមុនថ្ងៃទី១២ ខែកុម្ភៈ ឆ្នាំ២០២១។
២. ប្រកាសលទ្ធផលជ័យលាភីនៅទិវាទីក្រុងស្អាត ខាងមុខនេះ។
៣. រៀបចំសេចក្តីសម្រេចបង្កើតក្រុមការងារអនុវត្តវិធានសុវត្ថិភាពទេសចរណ៍ ក្រុងខេមរភូមិន្ទ ខេត្តកោះកុង។
៤. រៀបចំកិច្ចប្រជុំពិនិត្យ និងកែសម្រួលរបាយការណ៍ ដើម្បីទទួលបានពិន្ទុអំពីលក្ខណវិនិច្ឆ័យឱ្យបានខ្ពស់៕
