លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចុះជួបសំណេះសំណាល និងចែកអំណោយជាគ្រឿងឧបភោគបរិភោគ និងសម្ភារប្រើប្រាស់មួយចំនួន ជូនប្រជាពលរដ្ឋ នៅភូមិពោធិ៍បឹង ឃុំដងពែង ស្រុកស្រែអំបិល ខេត្តកោះកុង
លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចុះជួបសំណេះសំណាល និងចែកអំណោយជាគ្រឿងឧបភោគបរិភោគ និងសម្ភារប្រើប្រាស់មួយចំនួន ជូនប្រជាពលរដ្ឋ នៅភូមិពោធិ៍បឹង ឃុំដងពែង ស្រុកស្រែអំបិល ខេត្តកោះកុង។
ក្នុងឱកាសនោះដែរ លោកជំទាវអភិបាលខេត្ត ស្នើអោយពូមីងបងប្អូនប្រជាពលរដ្ឋទាំងអស់ ថែរក្សាសុខភាពឲ្យបានល្អ ស្របពេលដែលអាកាសធាតុចុះត្រជាក់។
ស្របពេលនោះដែរ លោកជំទាវអភិបាលខេត្ត ស្នើឲ្យពូមីបងប្អូនប្រជាពលរដ្ឋ ក៏ដូចជាអាជ្ញាធរមូលដ្ឋាន ចូលរួមទប់ស្កាត់ការរីករាលដាលជំងឺកូវីដ-១៩ ដោយត្រូវអនុវត្តជាប្រចាំតាមនូវវិធានការ និងការណែនាំរបស់ក្រសួងសុខាភិបាល ដើម្បីសហគមន៍គ្មានការចម្លងជម្ងឺកូវីដ។
លោកជំទាវបញ្ជាក់ថា អំណោយទាំងនេះទោះតិចតួចក្តី ជាការចែករំលែកជាមួយបងប្អូន ពូមីង។
ម្យ៉ាងវិញទៀតបើសិនជាបងប្អូនមានបញ្ហាសុខភាពប្រញាប់ទៅពិនិត្យសុខភាព បើសិនជាមានសុខភាពល្អបងប្អូនពិតជាអាចរកចំណូលជួយគ្រួសារបាន បើសុខភាពមិនល្អនាំឲ្យជីវភាពកាន់តែលំបាក ទោះជាយ៉ាងណាក្តីសូមបងប្អូនពូមីង មេត្តាផ្តល់ព័ត៌មានអំពីអ្វីដែលកើតមានឡើងក្នុងសហគមន៍ ដើម្បីឲ្យអាជ្ញាធរអាចអន្តរាគមន៍ និងដោះស្រាយបានទាន់ពេលវេលា៕
